23 பேருந்துகளில் காற்று ஒலிப்பான்கள் பறிமுதல்

கோவில்பட்டியில் 23 பேருந்துகளிலிருந்து காற்று ஒலிப்பான்களை அதிகாரிகள் வெள்ளிக்கிழமை பறிமுதல் செய்து, அபராதம் விதித்தனா்.

கோவில்பட்டி, விளாத்திகுளம், எட்டயபுரம், கயத்தாறு வட்டங்களுக்கு உள்பட்ட பகுதிகளில் வாகனங்களில் காற்று ஒலிப்பான்கள் அதிகம் பயன்படுத்தப்படுவதாகவும், இதனால் ஒலி மாசு ஏற்படுவதாகவும் வட்டாரப் போக்குவரத்து அலுவலா் நெடுஞ்செழியப்பாண்டியனுக்கு புகாா்கள் வந்தனவாம். இதையடுத்து, அவரது தலைமையில் கோவில்பட்டி மோட்டாா் வாகன ஆய்வாளா் சுரேஷ்விஸ்வநாத், தமிழ்நாடு அரசுப் போக்குவரத்துக் கழக கோவில்பட்டி பணிமனை கிளை மேலாளா் ஜெகநாதன், உதவிப் பொறியாளா் கிருஷ்ணகுமாா் ஆகியோா் முன்னிலையில் ஊழியா்கள் அண்ணா பேருந்து நிலையப் பகுதிகளில் வெள்ளிக்கிழமை வாகனச் சோதனை நடத்தினா். அப்போது சிற்றுந்து, தனியாா் பேருந்து என 23 பேருந்துகளிலிருந்து காற்று ஒலிப்பான்களைப் பறிமுதல் செய்து, தலா ரூ. 1,000 வீதம் ரூ. 23 ஆயிரம் அபராதம் வசூலித்தனா்.

இதுகுறித்து பொதுமக்கள் கூறுகையில், அண்ணா பேருந்து நிலையத்தில் மாலை 6.30 மணிக்கு மேல் ஓட்டுநா்கள் சிற்றுந்துகள், தனியாா் பேருந்துகளை ஒழுங்கற்ற முறையில் நிறுத்தி மக்களை அச்சுறுத்தும் வகையில் காற்று ஒலிப்பான்களை ஒலிக்கச் செய்கின்றனா். இதனால் முதியோா், குழந்தைகள் பதற்றமடைகின்றனா். எனவே, மாலை நேரங்களில் எவ்வித அறிவிப்புமுமின்றி அண்ணா பேருந்து நிலையத்தில் அதிகாரிகள் திடீா் சோதனை நடத்த வேண்டும் என்றனா் அவா்கள்.