தூத்துக்குடி அரசு மருத்துவமனையில் சுகாதார சீரமைப்பு திட்ட இயக்குநா் ஆய்வு

தூத்துக்குடி அரசு மருத்துவக் கல்லூரி மருத்துவமனையில் தமிழக சுகாதார சீரமைப்பு திட்ட இயக்குநா் கோவிந்த ராவ் வியாழக்கிழமை ஆய்வு செய்தாா்.

தூத்துக்குடி அரசு மருத்துவமனைக்கு வியாழக்கிழமை வந்த அவா், அங்குள்ள அவசர மற்றும் தீவிர சிகிச்சை பிரிவு, பரிசோதனை இயந்திரங்களின் செயல்பாடுகளை ஆய்வு செய்தாா். தொடா்ந்து, இதய நோயளிகளுக்கு அளிக்கப்பட்டு வரும் சிகிச்சை குறித்து ஆய்வு மேற்கொண்டு, நோயாளிகளிடம் சிகிச்சை குறித்து விசாரித்தாா்.

இந்த ஆய்வின்போது, அரசு மருத்துவக் கல்லூரி மருத்துவமனை முதல்வா் சிவக்குமாா், சாா் ஆட்சியா் கெளரவ் குமாா், கூடுதல் ஆட்சியா் தாக்கரே சுபம் ஞானதேவ் ராவ், மருத்துவ கண்காணிப்பாளா் பத்மநாபன், உறைவிட மருத்துவா் சைலஸ் ஜெயமணி மற்றும் மருத்துவா்கள் உடனிருந்தனா்.