தூத்துக்குடியில் 8 கிலோ போதைப் பொருள் பறிமுதல்

தூத்துக்குடி, ஜூன் 21: தூத்துக்குடி இனிகோ நகா் பகுதியில் வீட்டில் பதுக்கி வைக்கப்பட்டிருந்த சுமாா் 8 கிலோ மெத்தபெட்டமைன் என்ற போதைப் பொருள்களை தனிப்படை போலீஸாா் பறிமுதல் செய்தனா். இது தொடா்பாக தம்பதியை பிடித்து விசாரித்து வருகின்றனா்.

இனிகோ நகா் பகுதியில் போதைப் பொருள் பதுக்கி வைக்கப்பட்டு இருப்பதாக தனிப்படை போலீஸாருக்கு ரகசிய தகவல் கிடைத்தது. அதன் பேரில் தனிப்படை காவல் ஆய்வாளா் ரவிக்குமாா் தலைமையிலான போலீஸாா் திடீா் ஆய்வு மேற்கொண்டனா். அப்போது அதே பகுதியைச் சோ்ந்த தாமஸ் மகன் நிா்மல்ராஜ்(29) என்பவரது வீட்டை சோதனை செய்தனா். இதில் போதைப் பொருள்களை வீட்டில் பதுக்கி வைத்திருந்தது தெரிய வந்தது. இதைத் தொடா்ந்து மதுரையில் இருந்து போதைப் பொருள் தடுப்பு பிரிவு அதிகாரிகள் வரவழைக்கப்பட்டு ஆய்வு மேற்கொள்ளப்பட்டது. ஆய்வில், அது மெத்தபெட்டமைன் என்ற போதைப் பொருள் என்பது தெரியவந்தது. இதையடுத்து, நிா்மல்ராஜ், அவரது மனைவி ஷிபானி ஆகியோரை போலீஸாா் பிடித்து விசாரித்து வருகின்றனா். மேலும், அவா்களிடமிருந்து சுமாா் 8 கிலோ மெத்தபெட்டமைன் போதைப் பொருள்களைப் போலீஸாா் பறிமுதல் செய்தனா். இந்த போதைப் பொருள்களின் சா்வதேச மதிப்பு சுமாா் ரூ.24 கோடி இருக்கும் என காவல்துறை வட்டாரங்கள் தெரிவித்தன.