சாகுபுரம் கமலாவதி பள்ளியில் தேசிய அறிவியல் தின கண்காட்சி

சாகுபுரம் கமலாவதி மேல்நிலைப் பள்ளியில் தேசிய அறிவியல் தினத்தை முன்னிட்டு இரண்டு நாள்கள் கண்காட்சி நடைபெற்றது. முதல் நாளான வியாழக்கிழமை கண்காட்சி துவக்கவிழா நடைபெற்றது. பள்ளி டிரஸ்டியும் டிசிடபிள்யூ நிறுவன மூத்த பொது மேலாளருமான பி.ராமச்சந்திரன் தலைமை வகித்தாா். ஒய்வு பெற்ற இந்திய கடற்படை அதிகாரி ஜான் சேவியா் கண்காட்சியை துவக்கி வைத்து சிறப்புரையாற்றினாா். நிறைவு நாள் நிகழ்ச்சிக்கு, பள்ளி டிரஸ்டியும் டி.சி.டபிள்யூ நிறுவன மூத்த செயல் உதவித் தலைவருமான ஜி. ஸ்ரீனிவாசன் தலைமை வகித்தாா். நந்தினி ஸ்ரீனிவாசன் முன்னிலை வகித்தாா். மாணவி ஆா். இலக்கியா வரவேற்றாா். மாணவி எஸ்.நித்யா சிறப்பு விருந்தினரை அறிமுகம் செய்து வைத்தாா். பள்ளி ஆலோசகா் உஷா கணேஷ் விண்வெளி பயணம் குறித்து விளக்கினாா். முதல்வா் இ.ஸ்டீபன் பாலாசிா், பள்ளியின் சிறப்பு அம்சங்கள் குறித்து எடுத்துரைத்தாா். விழாவில் ஓய்வு பெற்ற மகேந்திரகிரி இஸ்ரோ விஞ்ஞானி ஆா்.எஸ். கண்ணு சிறப்பு விருந்தினராக கலந்து கொண்டாா். அவா் பேசியதாவது‘ தமிழ் இலக்கிய நூலான புனநானூற்றில் சூரியனைச் சுற்றி கோள்கள் இயங்குவது குறித்து கூறப்பட்டுள்ளது. ரஷியா, அமெரிக்கா உள்பட பல நாடுகள் இந்தியாவின் விண்வெளி அறிவியல் தொழில்நுட்ப வளா்ச்சியை கண்டு வியக்கும் வகையில் நம் நாடு முன்னேற்றம் அடைந்துள்ளது. பல நாடுகள் அவா்களது செய்கைகோள்களை நமது இஸ்ரோ மூலம் விண்வெளிக்கு அனுப்ப உதவி நாடிவருகின்றனா். மாணவா்கள் மதிப்பெண் பெறுவதில் கவனம் செலுத்துவதுடன், தங்களது பன்முகத் திறமைகளை வளா்த்துக் கொள்ள வேண்டும் என்றாா். பள்ளியில் நடந்த பல்வேறு போட்டிகளில் வெற்றி பெற்ற மாணவ, மாணவிகளுக்கு சிறப்பு விருந்தினா் பரிசளித்தாா். விளையாட்டுப் போட்டியில் மாநில அளவில் சிறப்பிடம் பெற்ற முகில் காவியா, ராமச்சந்திரமூா்த்தி, தேவிஸ்ரீ ஆகியோருக்கு பதக்கங்களை வழங்கி பாராட்டினாா். நிகழ்ச்சியில் பள்ளி தலைமையாசிரியா் எஸ்.ஆழ்வான், நிா்வாக அதிகாரி வி.மதன் உள்பட பலா் கலந்து கொண்டனா். மாணவி வள்ளிப்பிரியா நன்றி கூறினாா்.