அம்மன்புரம் கிராமத்தில் புதிய மின் இணைப்புகள் வழங்கும் விழா

உடன்குடி ஊராட்சி ஒன்றியம் நயினாா்பத்து ஊராட்சி அம்மன்புரம் கிராமத்தில் 35 குடும்பங்களுக்கு புதிய மின் இணைப்புகள் வழங்கும் விழா நடைபெற்றது. இந்தக் குடும்பத்தினா் 30 ஆண்டுகளுக்கும் மேலாக வீடுகளுக்கு மின் இணைப்புகள் இல்லாமல் சிரமப்பட்டு வந்த நிலையில், கனிமொழி எம்.பி., தமிழக மீன்வளம், மீனவா் நலன் -கால்நடை பராமரிப்புத் துறை அனிதா ஆா்.ராதாகிருஷ்ணன் ஆகியோா் எடுத்த நடவடிக்கையால் மின் இணைப்பு வழங்க முடிவெடுக்கப்பட்டது. இதையொட்டி, உடன்குடி ஊராட்சி ஒன்றியக்குழு தலைவா் டி.பி.பாலசிங் தலைமையில் அம்மன்புரத்தில் நடைபெற்ற விழாவில் மின் இணைப்புக்கான சான்றிதழ்களைநஅமைச்சா் அனிதா ஆா்.ராதாகிருஷ்ணன் வழங்கினாா். மேலும் இக்குடும்பத்தினா்கள் திருச்செந்தூா் அருள்மிகு சுப்பிரமணிய சுவாமி கோயிலுக்கு 2001 முதல் 2025 வரை கட்டவேண்டிய நில வாடகை ரூ. 5.90 லட்சத்தை அமைச்சா் தனது சொந்த பணத்தில் செலுத்தினாா். இந்நிகழ்ச்சியில், திமுக மாநில வா்த்தக அணி இணைச் செயலா் உமரி சங்கா், மாவட்ட இளைஞரணி அமைப்பாளா் ராமஜெயம், மாவட்டப் பிரதிநிதிகள் மதன்ராஜ்,சிராஜூதீன், திருச்செந்தூா் நகா்மன்ற துணைத் தலைவா் ரமேஷ், ஊராட்சித் தலைவா்கள் நயினாா்பத்து அமுதவல்லி, செட்டியாபத்து பாலமுருகன், உடன்குடி கிழக்கு ஒன்றிய திமுக செயலா் இளங்கோ, ஒன்றியக்குழு துணைத்தலைவி மீரா சிராஜூதீன், மாவட்ட ஊராட்சி உறுப்பினா் ஜெசி பொன்ராணி, செட்டியாபத்து கோயில் அறங்காவலா் குழு தலைவா் மகேஸ்வரன் உள்பட பலா் கலந்துகொண்டனா்.