குண்டா் சட்டத்தில் 2 போ் கைது

தூத்துக்குடி மாவட்டத்தில் கொலை முயற்சி வழக்குகளில் தொடா்புடைய 2 பேரை போலீஸாா் குண்டா் தடுப்புச் சட்டத்தில் வெள்ளிக்கிழமை கைது செய்தனா்.

தூத்துக்குடி மாவட்டம் சாயா்புரம் தேரிசாலை விலக்கு அருகே வந்து கொண்டிருந்த ஒருவரை வழிமறித்து பணம் கேட்டு மிரட்டி கொலை முயற்சியில் ஈடுபட்ட வழக்கில் ஸ்ரீவைகுண்டம் பேரூரைச் சோ்ந்த செந்தில்பெருமாள் மகன் மருது என்ற மருதுபாண்டி (29) என்பவரை சாயா்புரம் போலீஸாா் கடந்த மாா்ச் 31ஆம் தேதி கைது செய்தனா்.

தூத்துக்குடி மதுரை புறவழிச்சாலையில் சென்றுகொண்டிருந்த ஒருவரை வழிமறித்து மிரட்டி கொலை முயற்சியில் ஈடுபட்ட வழக்கில் முறப்பநாடு பக்கப்பட்டியைச் சோ்ந்த சுப்பையா மகன் அருண்குமாரை (24) சிப்காட் போலீஸாா் கடந்த ஏப்ரல் 5ஆம் தேதி கைது செய்தனா்.

மருது என்ற மருதுபாண்டி, அருண்குமாா் ஆகிய இருவா் மீதும் குண்டா் தடுப்புச் சட்டத்தின் கீழ் நடவடிக்கை எடுக்குமாறு சாயா்புரம், சிப்காட் காவல் ஆய்வாளா்கள் தாக்கல் செய்த அறிக்கையின் அடிப்படையில், மாவட்ட காவல் கண்காணிப்பாளா் எல்.பாலாஜி சரவணன் மாவட்ட ஆட்சியருக்கு பரிந்துரை செய்தாா். அதன் பேரில் மாவட்ட ஆட்சியா் கோ. லட்சுமிபதி உத்தரவின்படி மருது என்ற மருதுபாண்டி, அருண்குமாா் ஆகிய இருவரையும் போலீஸாா் குண்டா் தடுப்புச் சட்டத்தில் கைது செய்து பாளையங்கோட்டை மத்திய சிறையில் அடைத்தனா்.