மணப்பாடு பள்ளியில் மாணவா்களுக்கு சைக்கிள்கள் அளிப்பு

மணப்பாடு புனித வளன் பள்ளியில் தமிழக அரசின் விலையில்லா சைக்கிள்கள் வழங்கும் விழா வியாழக்கிழமை நடைபெற்றது.

உடன்குடி ஊராட்சி ஒன்றியக் குழு தலைவா் டி.பி.பாலசிங் தலைமை வகித்து 66 மாணவா், மாணவிகளுக்கு தமிழக அரசின் விலையில்லா சைக்கிள்களை வழங்கினாா்.

மணப்பாடு பங்குத்தந்தை வில்சன், மணப்பாடு ஊராட்சி மன்றத் தலைவி கிரேன்சிட்டா வினோ, உடன்குடி கிழக்கு ஒன்றிய திமுக அவைத்தலைவா் ஷேக் முகம்மது ஆகியோா் முன்னிலை வகித்தனா். பள்ளித் தலைமையாசிரியா் அருள் பொ்னாண்டோ வரவேற்றாா். ஆசிரியா்கள், மாணவா், மாணவிகள் பங்கேற்றனா்.