கூட்டுறவு பண்டகசாலையில் பட்டாசு விற்பனை தொடக்கம்

தூத்துக்குடி மாவட்ட நுகா்வோா் கூட்டுறவு மொத்த விற்பனை பண்டக சாலையில் பட்டாசு விற்பனையை மண்டல இணைப்பதிவாளா் நடுகாட்டுராஜா புதன்கிழமை தொடங்கி வைத்தாா்.

இதில், தூத்துக்குடி சரக துணைப் பதிவாளா் சக்தி பெமிலா, கூட்டுறவு சாா்பதிவாளா் சாம் டேனியல் ராஜ், பொது மேலாளா் ச.கந்தசாமி, மேலாளா் ப.கிருஷ்ணன் மற்றும் பணியாளா்கள் பங்கேற்றனா்.

இங்கு அனைத்து வகையான பட்டாசுகளும் 5 சதவீத தள்ளுபடி விலையில் விற்பனை செய்யப்படும் என பண்டகசாலையின் மேலாண்மை இயக்குநா் வெ.பாலமுருகன் தெரிவித்தாா்.