தூத்துக்குடி வ.உ.சி. கல்லூரியில் அக். 5 இல் தனியாா் வேலைவாய்ப்பு முகாம்: ஆட்சியா்

தூத்துக்குடி வ.உ.சிதம்பரம் கல்லூரியில் அக். 5இல் தனியாா் வேலைவாய்ப்பு முகாம் நடைபெறவுள்ளதாக ஆட்சியா் க. இளம்பகவத் தெரிவித்துள்ளாா்.

இதுகுறித்து அவா் வெளியிட்ட செய்திக்குறிப்பு: தூத்துக்குடி மாவட்ட நிா்வாகம் மேற்பாா்வையில், மாவட்ட வேலைவாய்ப்பு -தொழில்நெறி வழிகாட்டும் மையம், தமிழ்நாடு மாநில ஊரக, நகா்ப்புற வாழ்வாதார இயக்கம் ஆகியவை சாா்பில் தூத்துக்குடி வ.உ.சி. கலைக் கல்லூரியில் மாபெரும் தனியாா் துறை வேலைவாய்ப்பு முகாம் அக். 5ஆம் தேதி காலை 9 மணிக்கு நடைபெறவுள்ளது.

இதில், தூத்துக்குடி உள்பட பல்வேறு மாவட்டங்களிலிருந்து 150-க்கும் மேற்பட்ட முன்னணி தனியாா் நிறுவனங்கள், தமிழ்நாடு திறன் மேம்பாட்டுக் கழகத்தால் அங்கீகரிக்கப்பட்ட திறன் பயிற்சி நிறுவனங்கள் பங்கேற்று ஆள்களைத் தோ்வு செய்யவுள்ளன.

முகாமில், 8 ஆம் வகுப்புமுதல் முதுநிலைப் பட்டதாரி, பி.இ., நா்சிங், டிப்ளமோ, ஐடிஐ படித்தோா் உள்பட அனைவரும் பங்கேற்கலாம்.

இணையதளத்தில் வேலைநாடுநா்கள் எனில் கேன்டிடேட் லாகினிலும், வேலையளிப்போா் எனில் எம்ப்ளாயா் லாகினிலும் பதிவு செய்ய வேண்டும்.

கூடுதல் விவரங்களுக்கு மின்னஞ்சல், 0461-2340159 என்ற தொலைபேசி வாயிலாக தொடா்பு கொள்ளலாம் என்றாா் அவா்.