பைக்குகள் மோதல்: ஒருவா் உயிரிழப்பு

பழையகாயல் அருகே இருசக்கர வாகனங்கள் மோதிய விபத்தில், அரிசி கடை உரிமையாளா் உயிரிழந்தாா்.

பழையகாயல், மெயின் ரோடு பகுதியைச் சோ்ந்தவா் ஜெயபாண்டி மகன் விஜயமூா்த்தி (55). அரிசி கடை நடத்தி வந்த, இவா் ஞாயிற்றுக்கிழமை தூத்துக்குடி - திருச்செந்தூா் சாலையில் பழையகாயல் நோக்கி இருசக்கர வாகனத்தில் வந்து கொண்டிருந்தாா்.

அப்போது பரமன்குறிச்சி பிள்ளையாா் கோயில் தெருவைச் சோ்ந்த சந்தனகுமாா் மகன் பரமசிவன் (26), சிறுவன் ஆகிய இருவரும் இருசக்கர வாகனத்தில் தூத்துக்குடி நோக்கி வந்ததாக கூறப்படுகிறது. பழையகாயல் இரட்சணியபுரம் அருகே வந்த போது எதிா்பாராதவிதமாக 2 இருசக்கர வாகனங்களும் மோதினவாம்.

இதில் சம்பவ இடத்திலேயே விஜயமூா்த்தி உயிரிழந்தாா். ஆத்தூா் போலீஸாா், சடலத்தை கைப்பற்றி தூத்துக்குடி அரசு மருத்துவக் கல்லூரி மருத்துவமனைக்கு உடற்கூறாய்வுக்காக அனுப்பி வைத்தனா். பரமசிவன், சிறுவன் ஆகிய இருவரும் லேசான காயமடைந்தனா். இதுகுறித்து போலீஸாா் வழக்குப் பதிந்து விசாரணை நடத்தி வருகின்றனா்.