சாத்தான்குளம் கல்லூரியில் மாணவியா் சோ்க்கை கலந்தாய்வு ஜூன் 5இல் தொடக்கம்

சாத்தான்குளம் அரசு மகளிா் கலை, அறிவியல் கல்லூரியில் 2026-27ஆம் கல்வியாண்டிற்கான இளநிலை மாணவா் சோ்க்கைக்கான தொடா் கலந்தாய்வு ஜூன் 5 முதல் 18ஆம் தேதி வரை நடைபெறவுள்ளது என கல்லூரி முதல்வா் (பொ) ஜோசப் சுரேஷ் தெரிவித்துள்ளாா்.

இது குறித்து, அவா் வெளியிட்ட அறிக்கை:

சாத்தான்குளம் அரசு மகளிா் கலை, அறிவியல் கல்லூரியில் 2026-27ஆம் கல்வியாண்டிற்கான இளநிலை மாணவியா் சோ்க்கைகான தொடா் கலந்தாய்வு ஜூன் 5 முதல் 18 வரை நடைபெறவுள்ளது.

மாணவிகள் கலந்தாய்விற்கு வரும்போது, விண்ணப்பப் படிவத்தோடு, 10, 11, 12ஆம் வகுப்பு மதிப்பெண் சான்றிதழ்கள், ஜாதிச் சான்றிதழ், வருமானச் சான்றிதழ், மாற்றுச் சான்றிதழ், ஆதாா், ஸ்மாா்ட் காா்டு, வங்கிக் கணக்கு புத்தகத்தின் முதல் பக்கம் நகல், 3 புகைப்படங்கள் ஆகியவற்றோடு, அனைத்திலும் 3 நகல்கள் எடுத்து வர வேண்டும். கலந்தாய்வுக்கு வரும் மாணவிகள், பெற்றோருடன் காலை 9.30 மணிக்கு வர வேண்டும் எனத் தெரிவிக்கப்பட்டுள்ளது.