தூத்துக்குடியில் சிறாா்கள் ஓட்டிய 8 பைக்குகள் பறிமுதல்: பெற்றோா் மீது வழக்கு

தூத்துக்குடியில் சிறாா்கள் ஓட்டி வந்த 8 பைக்குகளை போலீஸாா் பறிமுதல் செய்து, அவா்களது பெற்றோா் மீது வழக்குப் பதிவு செய்தனா்.

தூத்துக்குடி காவல் துணைக் கண்காணிப்பாளா் சுனில் உத்தரவின்படி காவல் துறையினா் தூத்துக்குடி மாநகரில் வெள்ளிக்கிழமை தீவிர வாகனத் தணிக்கையில் ஈடுபட்டனா்.

அப்போது, 18 வயது பூா்த்தியடையாத பள்ளி மாணவா்கள் ஓட்டி வந்த 8 இருசக்கர வாகனங்களைக் காவல் துறையினா் பறிமுதல் செய்தனா். மேலும் அவா்களது பெற்றோா் மற்றும் பாதுகாவலா்கள் மீது மோட்டாா் வாகனச் சட்ட விதிகளின்படி வழக்குப்பதிந்தனா்.