புதுக்குளம், நடுவக்குறிச்சி சாலைகளை சீரமைக்கக் கோரி பாஜகவினா் மனு

சாத்தான்குளம் ஒன்றிய பாஜக தலைவா் சித்திரை பாண்டி தலைமையிலான பாஜகவினா், சாத்தான்குளம் ஒன்றிய ஆணையா் பாலமுருகன், சாத்தான்குளம் வட்டாட்சியா் ராஜேஸ்வரி, சாத்தான்குளம் நெடுஞ்சாலைத் துறை உதவிப் பொறியாளா் சிவ சண்முகநாதன் ஆகியோரை வியாழக்கிழமை சந்தித்து புதுக்குளம், நடுவக்குறிச்சி பகுதியில் சேதமான சாலைகளை சீரமைக்கக் கோரி மனு அளித்தனா்.

மனு விவரம்:

சாத்தான்குளம் ஒன்றியம், புதுக்குளம் பகுதியில் விவசாய நிலம் மற்றும் இடுகாட்டுக்குச் செல்லும் பாதை கடந்த 40 ஆண்டுகளுக்கு முன்பு அமைக்கப்பட்டது. பின்னா், சாலை அமைக்கப்படாததால் சாலை மிகவும் சேதமடைந்துள்ளது. எனவே, சாலையை உடனடியாக சீரமைக்க வேண்டும்.

இதேபோல், நடுவக்குறிச்சி, பூச்சிக்காடு, பிரகாசபுரம் விலக்கு பகுதியில் திசையன்விளை செல்லும் சாலை உரிய பராமரிப்பு இல்லாததால் சேதமடைந்து காணப்படுகிறது. இந்தச் சாலையையும் சீரமைக்க வேண்டும் என அதில் தெரிவிக்கப்பட்டுள்ளது.