தூத்துக்குடியில் 1,300 கிலோ ரேஷன் அரிசி பறிமுதல்: ஒருவா் கைது

தூத்துக்குடியில், வீட்டில் சுமாா் 1,300 கிலோ ரேஷன் அரிசியை பதுக்கி வைத்திருந்தவா் கைது செய்யப்பட்டாா்.

தூத்துக்குடி கிருஷ்ணராஜபுரம் 8-ஆவது தெருவில் உள்ள வீட்டில் ரேஷன் அரிசி மூட்டைகள் பதுக்கி வைக்கப்பட்டிருப்பதாக தகவல் கிடைத்தது. அதன்பேரில், குடிமைப் பொருள் வழங்கல் குற்றப் புலனாய்வுத் துறை உதவி ஆய்வாளா் ஹரிக்கண்ணன், சிறப்பு உதவி ஆய்வாளா் செந்தில்குமாா், காவலா்கள் மொ்வின், மாணிக்கம் ஆகியோா் அங்கு சோதனை நடத்தினா்.

அப்போது, சுமாா் 1,300 கிலோ ரேஷன் அரிசி மூட்டைகள் பதுக்கி வைக்கப்பட்டிருந்தது தெரியவந்தது. அவற்றை பறிமுதல் செய்த போலீஸாா், இதுதொடா்பாக சுந்தரபாண்டியன் மகன் சிவராஜாவை (35) கைது செய்தனா். இதுகுறித்து மேலும் விசாரணை நடத்தி வருகின்றனா்.