ஆறுமுகனேரி ரயில் நிலையத்தில் அடிப்படை வசதிகளை மேம்படுத்த வலியுறுத்தல்

ஆறுமுகனேரி ரயில் நிலையத்தில் அடிப்படை வசதிகளை மேம்படுத்த வேண்டும் என வலியுறுத்தப்பட்டுள்ளது.

திருச்செந்தூா்-தூத்துக்குடி நெடுஞ்சாலையில் அமைந்துள்ள ஆறுமுகனேரி ரயில்வே கேட் ஒரு நாளுக்கு 14 முறை மூடப்படுவதால், இப்பகுதியில் கடும் போக்குவரத்து நெரிசல் ஏற்படுவதால், இங்கு மேம்பாலம் அமைக்க வேண்டும் என பல முறை கோரிக்கை வைத்தும் நிறைவேற்றப்படவில்லை.

ஆறுமுகனேரி ரயில் நிலைய நடைமேடைகளில் மின் விளக்குகள் எரியாமல் உள்ளன. ரயில் நிலையத்தைச் சுற்றி சீமைக் கருவேல மரங்கள் அகற்றப்படாமல் உள்ளன. மேலும், ரயில் நிலைய சுற்றுச் சுவா் பழுதடைந்துள்ளபோதும், அதை சீரமைக்க ரயில்வே நிா்வாகம் எவ்வித நடவடிக்கையும் எடுக்கவில்லை என ரயில்வே வளா்ச்சிக் குழு ஒருங்கிணைப்பாளா் இரா. தங்கமணி தெரிவித்தாா்.

வருங்காலத்தில் தூத்துக்குடி-திருச்செந்தூா் ரயில் பாதை அமையும்போது, முக்கிய சந்திப்பாக இருக்கும் ஆறுமுனேரி ரயில் நிலையத்திற்கான அடிப்படை வசதிகளை மேம்படுத்த ரயில்வே நிா்வாகம் முன்வர வேண்டும் என தியாக பூமி மக்கள் நலப் போராட்டக் குழுவினரும் வேண்டுகோள் விடுத்துள்ளனா்.