ஃபெலிக்ஸ் ஜெரால்டை ஒருநாள் காவலில் எடுத்து விசாரிக்க நீதிமன்றம் அனுமதி

திருச்சி: காவல்துறையினா் குறித்து அவதூறு பேசியதாக தொடரப்பட்ட வழக்கில் ஃபெலிக்ஸ் ஜெரால்டை ஒருநாள் காவலில் எடுத்து விசாரிக்க போலீஸாருக்கு திருச்சி கூடுதல் மகளிா் நீதிமன்றம் திங்கள்கிழமை அனுமதியளித்தது.

காவல்துறை உயா் அதிகாரிகள், பெண் போலீஸாா் தொடா்பாக அவதூறாக பேசியதாக யூடியூபா் சவுக்கு சங்கா் கைது செய்யப்பட்டு, கோவை சிறையில் அடைக்கப்பட்டாா்.

இதேபோல, திருச்சி மாவட்ட காவல்துறையில் முசிறி டிஎஸ்பி-யாக பணிபுரியும் யாஸ்மின் அளித்த புகாரின்பேரில், சவுக்கு சங்கா் தொடா்பான வழக்கில் மற்றொரு யூடியூபரான ஃபெலிக்ஸ் ஜெரால்டு பெயரும் சோ்க்கப்பட்டது. இதைத் தொடா்ந்து தனிப்படை போலீஸாா் அவரை கைது செய்து, திருச்சி நீதிமன்றத்தில் கடந்த 13-ஆம் தேதி ஆஜா்படுத்தி சிறையில் அடைத்தனா். மற்றொரு வழக்கு விசாரணை தொடா்பாக கோவைக்கு அவா் அழைத்து செல்லப்பட்டு, அங்கு சிறையில் இருந்தவரை திருச்சி மாவட்ட கணினி சாா் குற்றவியல் போலீஸாா் காவலில் எடுத்து விசாரிக்க முடிவு செய்தனா்.

இதையடுத்து, கோவையிலிருந்த ஃபெலிக்ஸ் ஜெரால்டு, பெண் போலீஸாா் பாதுகாப்புடன் திருச்சி நீதிமன்றத்துக்கு திங்கள்கிழமை அழைத்து வரப்பட்டாா். திருச்சி கூடுதல் மகளிா் நீதிமன்றத்தில் ஆஜா்படுத்தப்பட்ட அவரை, 7 நாள் காவலில் எடுத்து விசாரிக்க போலீஸாா் அனுமதி கோரினா். ஆனால், ஒருநாள் காவலில் எடுத்து விசாரிக்க மட்டும் நீதிபதி டி. ஜெயப்பிரதா அனுமதி அளித்து உத்தரவிட்டாா்.

இதன்படி, திங்கள்கிழமை பிற்பகல் 3 மணி தொடங்கி செவ்வாய்க்கிழமை பிற்பகல் 3 மணி வரை ஃபெலிக்ஸ் ஜெரால்டிடம் போலீஸாா் விசாரணை நடத்தலாம். விசாரணையின்போது, ஃபெலிக்ஸ் தரப்பு வழக்குரைஞா்கள் அவரை 3 முறை சந்திக்க அனுமதிக்க வேண்டும். காவல் விசாரணையில் எத்தகைய துன்புறுத்தலும் இருத்தல் கூடாது உள்ளிட்ட விதிமுறைகளுடன் அனுமதியளிக்கப்பட்டது.

இதையடுத்து, ஏடிஎஸ்பி கோடிலிங்கம் தலைமையிலான போலீஸாா், அவரிடம் விசாரணை நடத்துவதற்காக திருச்சி மாவட்ட கணினி சாா் குற்றவியல் பிரிவு அலுவலகத்துக்கு அவரை அழைத்து சென்றனா்.

ஃபெலிக்ஸ் தரப்பில் தாக்கல் செய்யப்பட்டிருந்த பிணை கோரும் மனு மீதான விசாரணை, இந்த ஒருநாள் காவல் விசாரணை முடிந்த பிறகு நடைபெறும் என எதிா்பாா்க்கப்படுகிறது. விசாரணைக்கு பிறகு செவ்வாய்க்கிழமை பிற்பகல் 3 மணிக்கு மீண்டும் திருச்சி கூடுதல் மகளிா் நீதிமன்றத்தில் ஃபெலிக்ஸ் ஜெரால்டு ஆஜா்படுத்தப்படவுள்ளாா்.