சுயஉதவிக் குழு பயிற்றுநர்களுக்கு அம்மா கைபேசி

தமிழ்நாடு ஊரக வாழ்வாதார திட்டம் மற்றும் புதுவாழ்வு திட்டம் சார்பில் சுயஉதவிக் குழு பயிற்றுநர்களுக்கு அம்மா கைப்பேசி வழங்கும் நிகழ்ச்சி வெள்ளிக்கிழமை நடைபெற்றது.

அரியலூர் புதுவாழ்வு திட்ட மேலாளர் சுதாதேவி தலைமை வகித்து, தா.பழூர் மற்றும் ஜயங்கொண்டம் ஒன்றிய பகுதிகளைச் சேர்ந்த 150 சுயஉதவிக் குழு பயிற்றுநர்களுக்கு அம்மா கைப்பேசிகளை வழங்கினார். நிகழ்ச்சியில் வட்டார வளர்ச்சி அலுவலர்கள் கலையரசன், பஞ்சாபகேசன், துணை வட்டார வளர்ச்சி அலுவலர் முருகானந்தம், புதுவாழ்வு திட்ட உதவி திட்ட மேலாளர்கள் கதிர்வேலு உள்ளிட்டோர் பங்கேற்றனர்.