குழந்தைகளின் நோய் எதிர்ப்பு சக்திக்கு தாய்ப்பால் அவசியம்

குழந்தைகளின் நோய் எதிர்ப்பு சக்திக்கு தாய்ப்பால் அவசியம் என உலக தாய்ப்பால் வார விழாவில் அறிவுறுத்தப்பட்டது.
அரியலூர் அரசு ஆரம்ப சுகாதார நிலையத்தில் புதன்கிழமை நடைபெற்ற உலக தாய்ப்பால் வாரவிழாவிற்கு வட்டார மருத்துவ அலுவலர் உமாமகேஸ்வரி தலைமை வகித்தார். மருத்துவர் நிரஞ்சனா, சமுதாய சுகாதார செவிலியர் முருகேஸ்வரி ஆகியோர், குழந்தை பிறந்தது முதல் இரண்டு ஆண்டுக்கு அவசியம் தாய்ப்பால் கொடுக்க வேண்டும். தாய்ப்பால் கொடுப்பதால் குழந்தைகளுக்கு நோய் எதிர்ப்பு சக்தி, மூளை வளர்ச்சி, எலும்பு வளர்ச்சியடைவதுடன், குழந்தைகளுக்கு ஆரோக்கியத்தை கொடுக்கிறது. தாய்மார்கள் தாய்ப்பால் கொடுப்பதால் மார்பக புற்றுநோய் வராமல் தடுக்கலாம் என்றனர்.கர்ப்பிணி பெண்கள் உள்ளிட்டோர் பங்கேற்றனர்.