அரியலூா் நகராட்சி காங்கிரஸ் வேட்பாளா்கள்

அரியலூா் மாவட்டத்தில் திமுக கூட்டணியில் ஒதுக்கீடு செய்யப்பட்ட 5 வாா்டுகளில் போட்டியிடும் காங்கிரஸ் வேட்பாளா்கள் பெயா் அறிவிக்கப்பட்டுள்ளது.

அரியலூா் நகராட்சி 4 ஆவது வாா்டில் அக்கட்சியின் நகர தலைவா் எஸ்.எம்.சந்திரசேகா், ஜயங்கொண்டம் நகராட்சி 16 ஆவது வாா்டில் இரா.இதயராணி, உடையாா்பாளையம் பேரூராட்சி 3 வாா்டில் ஷே.அக்பா்அலி, 14 ஆவது வாா்டில் கு.காமராஜ், வரதராசன்பேட்டை 3 வாா்டில் அ.ஆரோக்கியராஜ் ஆகியோா் போட்டியிடுவதாக காங்கிரஸ் கட்சியின் மாநில துணைத் தலைவா் ஜி.ராஜேந்திரன் தெரிவித்தாா்.

இதற்கான ஓப்பந்தத்தில் திமுக மாவட்டச் செயலாளரும், பிற்படுத்தப்பட்டோா் நலத் துறை அமைச்சா் எஸ்.எஸ்.சிவசங்கா், காங்கிரஸ் சாா்பில் அக்கட்சியின் மாவட்டத் தலைவா் சங்கா் ஆகியோா் கையெழுத்திட்டனா்.