சீட்டு கிடைக்காத அதிருப்தி: சுயேச்சையாக அதிமுக நிா்வாகி மனுதாக்கல்

அரியலூா் நகராட்சி 16 ஆவது வாா்டில் போட்டியிடுவதற்காக அதிமுக சாா்பில் சீட்டு அளிக்காததால் அதிருப்தியடைந்த அக்கட்சியின் வாா்டு செயலா், சுயேச்சையாக வேட்பு மனு தாக்கல் செய்தாா்.

தமிழகத்தில் நகா்ப்புற உள்ளாட்சித் தோ்தல் பிப்ரவரி 19 ஆம் தேதி நடைபெறுகிறது. அதன்படி அரியலூா் மற்றும் ஜயங்கொண்டம் நகராட்சிகள், உடையாா்பாளையம் மற்றும் வரதராசன்பேட்டை பேரூராட்சிக்கான வாா்டு உறுப்பினா் பதவிகளுக்காக கடந்த 28 ஆம் தேதி தொடங்கிய வேட்பு மனு தாக்கல் வெள்ளிக்கிழமையுடன் (பிப்.4) முடிவடைகிறது.

ஒவ்வொரு கட்சியினரும் தங்கள் வேட்பாளா்களை அறிவித்து வரும் நிலையில், அரியலூா் நகராட்சி 18 வாா்டுக்கான வேட்பாளா்கள் பட்டியலை அதிமுக தலைமை அண்மையில் அறிவித்தது.

இந்நிலையில், அதிமுக சாா்பில் 16 ஆவது வாா்டில் போட்டியிடுவதற்காக விருப்ப மனு அளித்திருந்த அக்கட்சியின் வாா்டு செயலா் மணிவேலுக்கு சீட்டு வழங்கப்படவில்லை. இதனால் அதிருப்தியடைந்த அவா் சுயேச்சையாக போட்டியிடுவதாக அறிவித்தாா். இதையடுத்து மணிவேல், வியாழக்கிழமை தோ்தல் நடத்தும் அலுவலா் சக்கரவா்த்தியிடம் வேட்பு மனு தாக்கல் செய்தாா்.