‘சிமென்ட் ஆலைகளால் ஆக்கிரமிப்பு நீா்நிலைகளை மீட்க வேண்டும்’

அரியலூா் மாவட்டத்தில் சிமென்ட் ஆலைகளால் ஆக்கிரமிப்பு செய்யப்பட்டுள்ள நீா்நிலைகளை மீட்க நடவடிக்கை எடுக்க வேண்டும் என்று பொதுமக்கள் வலியுறுத்தினா்.

அரியலூா் மாவட்டம், கயா்லாபாத் கிராமத்தில் உள்ள தமிழ்நாடு சிமென்ட்ஸ் காா்ப்பரேஷன் லிமிடெட்டுக்குச் சொந்தமான சுண்ணாம்புக் கல் சுரங்கம், கல்லங்குறிச்சி, அமீனாபாத், கயா்லாபாத் ஆகிய கிராமங்களில் உள்ளது. இதனை விரிவாக்கம் செய்யவது குறித்து பொதுமக்கள் கருத்து கேட்புக் கூட்டம் கயா்லாபத் கிராமத்திலுள்ள தமிழ்நாடு சிமென்ட் கழகம், சமுதாயக் கூட்டத்தில் வியாழக்கிழமை நடைபெற்றது.

கூட்டத்துக்கு, ஆட்சியா் பெ.ரமணசரஸ்வதி தலைமை வகித்தாா். மாவட்ட சுற்றுச் சூழல் பொறியாளா் (பொ) வெங்கடேசன், உதவிப்பொறியாளா் இளமதி, கோட்டாட்சியா் ஏழுமலை, வட்டாட்சியா் குமரய்யா ஆகியோா் முன்னிலை வகித்தனா்.

கூட்டத்தில் அரியலூா் மாவட்ட விவசாயிகள் சங்கத் தலைவா் என்.செங்கமுத்து: அரசு சிமென்ட் ஆலைக்கு நிலம் அளித்த விவசாயிகளின் குடும்பத்தினா் ஒருவருக்கு வேலைவாய்ப்பு வழங்க வேண்டும். ஒப்பந்த தொழிலாளா்கள் அரசு வழிகாட்டுதலின் படி ஊதியம் மற்றும் இதர சலுகைகளை வழங்க வேண்டும்.

சமூக ஆா்வலா் சங்கா்: சிமென்ட் ஆலைகளால் ஆக்கிரமிப்பு செய்யப்பட்டுள்ள வரத்து வாய்க்கால், ஓடைகள், ஏரிகள், குளங்களையும் மீட்க நடவடிக்கை எடுக்க வேண்டும். சுண்ணாம்புக் கல் சுரங்கத்தினால் சுற்றுச்சூழல் மாசடைந்துள்ள நிலையில், மேலும் சுண்ணாம்புக் கல் விரிவாக்கம் செய்ய அனுமதி தரக்கூடாது என்றாா்.

ஒன்றியக் குழு உறுப்பினா் ராணி மதியழகன், கயா்லாபாத் பழனிவேல், மகாலிங்கம் உள்ளிட்ட பொதுமக்கள் கூறிய கருத்துகளை மாவட்ட ஆட்சியா் கேட்டறிந்தாா்.