அரியலூரில் நாளை தனியாா் துறை வேலைவாய்ப்பு முகாம்

அரியலூா் மாவட்டம், புதுப்பாளையம் நெல்லியாண்டவா் தொழில்நுட்பக் கல்லூரி வளாகத்தில், மாவட்ட வேலைவாய்ப்பு அலுவலகம் சாா்பில் சிறிய அளவிலான தனியாா் வேலைவாய்ப்பு முகாம் வெள்ளிக்கிழமை(நவ.29) நடைபெறவுள்ளதாக ஆட்சியா் பொ.ரத்தினசாமி தெரிவித்துள்ளாா்.

இதுகுறித்து அவா் விடுத்துள்ள செய்திக்குறிப்பு: இம்முகாமில் முன்னனி தனியாா்துறை நிறுவனங்கள் மற்றும் திறன் பயிற்சியளிக்கும் நிறுவனங்கள் 300-க்கும் மேற்பட்ட காலிப்பணியிடங்களுக்கு தங்களுக்கு தேவையான நபா்களை தகுதியின் அடிப்படையில் தோ்வு செய்ய உள்ளனா். மேலும் வேலையளிக்கும் நிறுவனங்களும், வேலைநாடுநா்களும் பயன்பெறும் வகையில் வேலைவாய்ப்பு மற்றும் பயிற்சித்துறையால் பிரத்யேகமாக உருவாக்கப்பட்ட இணையதளத்தில் பதிவு செய்துக் கொள்ளலாம்.

எனவே, இம்முகாமில் கலந்துகொள்வதற்கு 18 - 35 வயது வரையுள்ள, பத்தாம் வகுப்பு, பன்னிரண்டாம் வகுப்பு, ஐடிஐ, டிப்ளமோ, பட்டப்படிப்பு படித்த இளைஞா்கள் கலந்து கொண்டு பயன்பெறலாம். இம்முகாமில் தோ்வு செய்யப்பட்டவா்களின் வேலைவாய்ப்பு பதிவு ரத்து செய்யப்படமாட்டாது. மேலும் விவரங்களுக்கு 94990 55914 என்ற தொலைபேசி எண்ணை தொடா்பு கொள்ளலாம்.