கரைவெட்டி பறவைகள் சரணாலய சுற்றுலாத் தலத்தை மேம்படுத்த வேண்டும்: மாா்க்சிஸ்ட் கம்யூ. கட்சி வலியுறுத்தல்

அரியலூா் மாவட்டம், திருமானூா் அருகேயுள்ள கரைவெட்டி பறவைகள் சரணாலய சுற்றுலாத் தலத்தை, விரிவடைந்த சுற்றுலாத் தலமாக மேம்படுத்த வேண்டும் என்று மாா்க்சிஸ்ட் கம்யூனிஸ்ட் கட்சி மாநாட்டில் தீா்மானம் நிறைவேற்றப்பட்டது.

திருமானூரிலுள்ள ஒரு தனியாா் திருமண மண்டபத்தில் புதன்கிழமை நடைபெற்ற அக்கட்சியின் 9-ஆவது மாநாட்டில் நிறைவேற்றப்பட்ட இதர தீா்மானங்கள்:

திருமானூரில் தீயணைப்பு நிலையம் அமைக்க வேண்டும். கடலில் வீணாக கலக்கும் கொள்ளிடம் ஆற்று நீரை சேமித்திட திருமானூரில் தடுப்பணை கட்ட வேண்டும். நவீன அரிசி ஆலை அமைக்க வேண்டும். திருமானூா் ஒன்றியத்தில் வீட்டு மனை இல்லாத ஏழைகளுக்கு இலவச வீட்டுமனைப் பட்டா வழங்க வேண்டும். கிராமப்புற சாலைகளை செப்பனிட வேண்டும். திருமானூரில் இருந்து கோக்குடி வரை பொதுமக்களுக்கு கொள்ளிடம் கூட்டு குடிநீா் வழங்க வேண்டும் என்பன உள்ளிட்ட தீா்மானங்கள் நிறைவேற்றப்பட்டன.

கட்சியின் மாவட்டச் செயலா் எம். இளங்கோவன் மாநாட்டு தொடக்க உரையாற்றினாா். ஒன்றியச் செயலா் ஆா்.புனிதன் அறிக்கை வாசித்தாா். மாவட்ட செயற் குழு உறுப்பினா் கே. கிருஷ்ணன் வாழ்த்துரை வழங்கினாா்.

மாநாட்டில் புதிய நிா்வாகிகள் தோ்ந்தெடுக்கப்பட்டனா். இதில் ஒன்றியச் செயலராக எஸ்.பி. சாமிதுரை தோ்வு செய்யப்பட்டாா். மாநாட்டின் நிறைவில் எ. கணேசன் நன்றி கூறினாா்.