6 நாட்களுக்குப் பின்னர் கரூரை வந்தடைந்தது அமராவதி நீர்

ஆறு நாட்களுக்குப் பின் வெள்ளிக்கிழமை நள்ளிரவு கரூரை வந்தடைந்தது அமராவதி நீர்.

தமிழக முதல்வரின் உத்தரவின்பேரில் கரூர் மாவட்டத்தின் கடைமடைப்பகுதிகள் பயன்பெறும் வகையில் கடந்த 19-ம் தேதி அமராவதி அணையில் இருந்து தண்ணீர் திறக்கப்பட்டது.

இந்த நீர் 6 நாட்களுக்குப்பின் வெள்ளிக்கிழமை நள்ளிரவில் கரூரை வந்தடைந்தது.

 வரும் 30-ம் தேதி வரை விநாடிக்கு 2,000 கன அடி நீர் திறக்கப்படுகிறது.

 இந்த தண்ணீரால் கரூர் மாவட்டத்தில் நிலத்தடி நீர்மட்டம் உயர்வதோடு மட்டுமன்றி ஆற்றின் இரு கரைகளிலும் உள்ள சுமார் 300-க்கும் மேற்பட்ட குடிநீர் உறிஞ்சும் கிணறுகளில் இருந்து தண்ணீர் உறிஞ்சப்பட்டு பொதுமக்களுக்கு விநியோகம் செய்யப்பட உள்ளதாகத் தெரிவிக்கப்பட்டுள்ளது.