சைக்கிள் - அரசு பேருந்து மோதல்: முதியவர் சாவு

வேலாயுதம்பாளையம் அருகே சைக்கிள் மீது அரசுப் பேருந்து மோதியதில் முதியவர் உயிரிழந்தார். 
கரூர் மாவட்டம் வேலாயுதம்பாளையம் திருவள்ளுவர் நகரைச் சேர்ந்தவர் பெரியசாமி (63). இவர், தனது சைக்கிளில் திங்கள்கிழமை சேலம் - கரூர் தேசிய நெடுஞ்சாலையில் பாலத்துறை பகுதியில் சென்றபோது, பின்னால் வந்த அரசுப் பேருந்து சைக்கிள் மீது மோதியது. 
இதில், பலத்த காயமடைந்த அவர் சம்பவ இடத்திலேயே இறந்தார். இதுகுறித்து வேலாயுதம்பாளையம் போலீஸார் வழக்கு பதிந்து விசாரிக்கின்றனர்.