கருப்புப் பட்டை பெற்றவர்களுக்கு பாராட்டு

வேலாயுதம்பாளையத்தில் கராத்தே கருப்பு பட்டை பெற்றவர்களுக்கு பாராட்டு விழா ஞாயிற்றுக்கிழமை நடைபெற்றது.
கெனி-மாபுனி-ஷிட்டோ ரியு கராத்தே பள்ளி சார்பில் கரூர் மாவட்டம் வேலாயுதம்பாளையத்தில் கருப்பு பட்டை வீரர்கள் தேர்வு முகாம் மற்றும் கருப்புபட்டை பெற்றவர்களுக்கான பாராட்டு விழா ஞாயிற்றுக்கிழமை நடைபெற்றது. 
அகில இந்திய கராத்தே சங்க கரூர் மாவட்டச் செயலர் கே. செந்தில்குமார் தலைமை வகித்தார். துணைச் செயலர் மா. முருகன் வரவேற்றார். 
விழாவில் மாவட்ட அளவில் கருப்பு பட்டைக்கு தேர்வு செய்யப்பட்ட 5 பேர் மற்றும்  பிரவுன் பட்டைக்கு தேர்வான 15 பேர், புளூ பட்டைக்கு தேர்வு பெற்ற 12 பேர் உள்ளிட்ட மொத்தம் 85 பேருக்கு பட்டைகளை அகில இந்திய கராத்தே சங்க பொதுச் 
செயலர் பி.ஆர். ரமேஷ் வழங்கினார்.  விழாவில் கராத்தே வீரர், வீராங்கனைகள் திரளாக பங்கேற்றனர்.