பெரம்பலூரில் நாளை தனியார் துறை வேலைவாய்ப்பு முகாம்

பெரம்பலூர் மாவட்ட வேலைவாய்ப்பகத்தில் தனியார் துறை வேலைவாய்ப்பு முகாம் வெள்ளிக்கிழமை (செப். 14) நடைபெற உள்ளது.
இதுகுறித்து மாவட்ட ஆட்சியர் வே. சாந்தா புதன்கிழமை வெளியிட்ட செய்திக் குறிப்பு: பெரம்பலூர் மாவட்ட படித்த இளைஞர்கள் பயனடையும் வகையில், பல்வேறு தனியார் துறை மூலம்  மாவட்ட வேலைவாய்ப்பகத்தின் மூலம் முகாம் நடத்தப்படுகிறது. அதன்படி, தனியார் துறை வேலைவாய்ப்பு முகாம் வெள்ளிக்கிழமை நடைபெற உள்ளது. 
இந்த முகாமில், பெரம்பலூர் மாவட்டத்தில் உள்ள தனியார் நிறுவனங்கள் பங்கேற்று கண்காணிப்பாளர், உதவி மேலாளர் உள்ளிட்ட பல்வேறு பணியிடங்களுக்கு தகுதியான நபர்களை தேர்வு செய்ய உள்ளன. இதில், 10 மற்றும் 12 ஆம் வகுப்பு, டிப்ளமோ, டிகிரி படித்தவர்கள் பங்கேற்று பயன் பெறலாம். கல்விச் சான்றிதழ்கள், ஆதார் அட்டை, கடவுச்சீட்டு அளவு புகைப்படங்களுடன் வரவேண்டும்.