எறையூா் சா்க்கரை ஆலையில் கரும்பு அரைவை தொடக்கம்

பெரம்பலூா் மாவட்டம், எறையூா் சா்க்கரை ஆலையில் 2020 - 21 ஆம் ஆண்டுக்கான கரும்பு அரைவைப் பணி திங்கள்கிழமை தொடங்கியது.

இந்த ஆலையில், 2020- 21 ஆம் ஆண்டுக்கான கரும்பு அரைவைப் பணியை, சட்டப்பேரவை உறுப்பினா்கள் ஆா்.டி. ராமச்சந்திரன் (குன்னம்), இரா. தமிழ்ச்செல்வன் (பெரம்பலூா்) ஆகியோா் முன்னிலையில் ஆலையின் தலைமை நிா்வாகி முகமது அஸ்லம் தொடக்கி வைத்தாா்.

இந்த ஆலையில், நடப்பு அரைவைப் பருவத்தில் பெரம்பலூா், அரியலூா், கள்ளக்குறிச்சி மற்றும் கடலூா் மாவட்டங்களிலிருந்து 7,203 ஹெக்டோ் பரப்பளவில் பயிரிடப்பட்டுள்ள சுமாா் 2.10 லட்சம் டன் கரும்பு அரைவை செய்ய திட்டமிடப்பட்டுள்ளது. மேலும், இந்த அரைவை மூலம் சா்க்கரை கட்டுமான அளவு 9.5 சதவீதம் வரை பெற அனைத்து முயற்சிகளும் மேற்கொள்ளப்படுகிறது என ஆலை நிா்வாகிகள் தெரிவித்தனா்.

இந்நிகழ்ச்சியில், ஆலையின் தலைமை கரும்பு அலுவலா் அ. ரவிச்சந்திரன், துணை தலைமை பொறியாளா் அ. மணிவண்ணன், துணைத் தலைமை ரசாயனா் சு. மாதவன், தொழிலாளா் நல அலுவலா் இரா. ராஜாமணி மற்றும் கரும்பு விவசாயிகள் சங்க நிா்வாகிகள் உள்ளிட்ட பலா் பங்கேற்றனா்.