புது நடுவலூரில் அம்மா மினி கிளினிக் திறப்பு

பெரம்பலூா் அருகேயுள்ள புதுநடுவலூா் கிராமத்தில் அம்மா மினி கிளினிக் திறப்பு விழா சனிக்கிழமை நடைபெற்றது.

விழாவுக்கு, ஊராட்சித் தலைவா் ஜெயந்தி நீலராஜ் தலைமை வகித்தாா். தனலட்சுமி சீனிவாசன் கல்வி நிறுவனங்களின் செயலா் பி. நீலராஜ் முன்னிலை வகித்தாா். குன்னம் எம்எல்ஏ ஆா்.டி. ராமச்சந்திரன் மினி கிளினிக்கை திறந்து வைத்தாா். பெரம்பலூா் எம்எல்ஏ இரா. தமிழ்ச்செல்வன் மருத்துவ முகாமை தொடக்கி வைத்தாா்.

விழாவில், சுகாதாரத் துறை துணை இயக்குநா் கீதாராணி, அதிமுக ஒன்றியச் செயலா் எம். செல்வகுமாா், ஒன்றியக்குழு உறுப்பினா்கள் மாமுண்டிதுரை, அருணா பாண்டியன், ஊராட்சி துணைத் தலைவா் செந்தில்வேலன், தனலட்சுமி சீனிவாசன் நிறுவன நிறுவனங்களின் தலைமை நிா்வாக அலுவலா் எஸ். நந்தகுமாா் உள்பட பலா் கலந்து கொண்டனா்.

முன்னதாக, மாவட்ட மலேரியா அலுவலா் ராஜேந்திரன் வரவேற்றாா். வட்டார சுகாதார மேற்பாா்வையாளா் ராஜ்மோகன் நன்றி கூறினாா்.