வீடு, கடைகளின் பூட்டை உடைத்து நகை, பணம் திருட்டு

பெரம்பலூா் மாவட்டம், பாடாலூா் அருகே வீட்டின் பூட்டை உடைத்து ரூ. 3 லட்சம் ரொக்கம் மற்றும் 5 பவுன் நகை ஆகியவற்றை மா்ம நபா்கள் வியாழக்கிழமை இரவு திருடிச் சென்றனா்.

பாடாலூா் அருகேயுள்ள இரூா் கிராமத்தைச் சோ்ந்த நடேசன் மகன் சதீஸ்குமாா் (37). இவா், வியாழக்கிழமை மாலை வீட்டை பூட்டிவிட்டு குடும்பத்துடன் கோயிலுக்குச் சென்றிருந்தாா். இரவு வீட்டுக்குச் சென்று பாா்த்தபோது மா்ம நபா்கள் வீட்டின் பின்புற கதவை உடைத்து உள்ளே சென்று, வீட்டிலிருந்த ரூ. 3 லட்சம் ரொக்கம், 5 பவுன் நகைகள் ஆகியவற்றை திருடிச்சென்றது தெரியவந்தது. புகாரின்பேரில் பாடாலூா் போலீஸாா் வழக்குப் பதிந்து விசாரிக்கின்றனா்.

கடைகளில் திருட்டு: துறைமங்கலத்தைச் சோ்ந்த கண்ணன் மகன் மணிகண்டன் (26). இவா், பெரம்பலூா் நான்குச்சாலை சந்திப்புப் பகுதியில் மளிகைக் கடை வைத்துள்ளாா். வியாழக்கிழமை இரவு மா்ம நபா்கள் மளிகைக் கடையின் பூட்டை உடைத்து, பணம் மற்றும் மளிகைப் பொருள்களை எடுத்துச் சென்றனா்.

துறைமங்கலம் 3 சாலை சந்திப்புப் பகுதியை சோ்ந்தவா் கிருஷ்ணன் மகன் வைத்தியலிங்கம் (40). இவரது மளிகைக் கடையின் பூட்டை உடைத்த மா்ம நபா்கள், கடையில் வைத்திருந்த ரூ. 25 ஆயிரம் ரொக்கத்தையும், ரூ. 25 ஆயிரம் மதிப்பிலான பொருள்களையும் திருடிச் சென்றனா்.

புகாரின்பேரில் பெரம்பலூா் போலீஸாா் வழக்குப் பதிந்து விசாரிக்கின்றனா்.