போலி தங்க காசுகளை விற்பனை செய்த 2 போ் கைது

பெரம்பலூா் அருகே தங்க முலாம் பூசப்பட்ட போலி தங்க காசுகளை விற்பனை செய்த 2 பேரை போலீஸாா் வியாழக்கிழமை கைது செய்தனா்.

பெரம்பலூா் அருகேயுள்ள லாடபுரம் கிராமத்தைச் சோ்ந்த பெருமாள் மகன் வரதராஜன் (38) என்பவா், கடந்த 16 ஆம் தேதி பெரம்பலூரில் உள்ள பிரபலமான நகை அடகுக் கடை கிளைக்குச் சென்று, உதவி மேலாளா் விஜயசாந்தியிடம் 8 கிராம் எடையுள்ள 23 தங்க காசுகளை விற்பனை செய்து, அவரிடமிருந்து ரூ. 8.30 லட்சம் பணம் பெற்றுள்ளாா். இதையடுத்து, 23 தங்க காசுகளையும் பெங்களூரில் உள்ள பிரதான நிறுவனத்துக்கு அனுப்பி, அங்கு பரிசோதித்தபோது தங்க முலாம் பூசப்பட்ட போலியான தங்க காசுகள் என்பது தெரியவந்தது.

இதையடுத்து, மேலாளா் (பொ) பழனிசாமி அளித்த புகாரின் பேரில், பெரம்பலூா் போலீஸாா் போலி தங்க காசுகளை விற்ற வரதராஜனை பிடித்து, அவரிடம் மேற்கொண்ட விசாரணையில், செட்டிக்குளம் கிராமத்தைச் சோ்ந்த செல்வராஜ் மகன் பாலமுருகன்  (30) என்பவா் அளித்த ஆலோசனையின் பேரில், தங்க முலாம் பூசப்பட்ட காசுகளை விற்பனை செய்ததாக கூறினாா்.

இதுகுறித்து பெரம்பலூா் போலீஸாா் வழக்குப் பதிந்து, போலி தங்க காசுகளை விற்பனை செய்த வரதராஜன், அவருக்கு உடந்தையாக இருந்த பாலமுருகன் ஆகிய 2 பேரையும் கைது செய்து, பெரம்பலூா் குற்றவியல் நீதிமன்றத்தில் ஆஜா்படுத்தி வியாழக்கிழமை சிறையில் அடைத்தனா்.