சாலை விபத்தில்இளைஞா் உயிரிழப்பு; கல்லூரி மாணவி பலத்த காயம்

பெரம்பலூா் அருகே வியாழக்கிழமை நிகழ்ந்த சாலை விபத்தில் இளைஞா் உயிரிழந்தாா். பலத்த காயமடைந்த கல்லூரி மாணவி சிகிச்சை பெற்று வருகிறாா்.

கள்ளக்குறிச்சி மாவட்டம், சின்ன சேலம், டி.வி.கே நகரைச் சோ்ந்த மாணிக்கம் மகன் நவீன்குமாா் (23). இவா் திருச்சியில் தனியாா் கல்லூரியில் முதலாமாண்டு படிக்கும் கள்ளக்குறிச்சியைச் சோ்ந்த சந்தியா (19) என்ற பெண்ணை வியாழக்கிழமை காலை தனது இருசக்கர வாகனத்தில் அழைத்துக்கொண்டு கள்ளக்குறிச்சி நோக்கிச் சென்றுக் கொண்டிருந்தாா்.

 திருச்சி -சென்னை தேசிய நெடுஞ்சாலையில் பெரம்பலூா் மாவட்டம், தம்பை அருகே வந்துக்கொண்டிருந்தபோது நிலைதடுமாறி சாலை மையத்தடுப்பில் இருசக்கர வாகனம் மோதி விபத்துக்குள்ளானது. இதில் பலத்த காயமடைந்த நவீன்குமாா் சம்பவ இடத்திலேயே  உயிரிழந்தாா். பலத்த காயமடைந்த சந்தியா உயிருக்கு ஆபத்தான நிலையில் கள்ளக்குறிச்சி அரசு மருத்துவமனையில் அனுமதிக்கப்பட்டு சிகிச்சை பெற்று வருகிறாா். விபத்து குறித்து மங்களமேடு போலீஸாா் வழக்குப் பதிந்து விசாரிக்கின்றனா்.