சிறுவாச்சூா் மதுரகாளியம்மன் கோயிலில் பூச்சொரிதல் விழா

பெரம்பலூா் அருகேயுள்ள பிரசித்தி பெற்ற சிறுவாச்சூா் அருள்மிகு மதுரகாளியம்மன் கோயில் பூச்சொரிதல் விழா புதன்கிழமை நடைபெற்றது.

விழாவையொட்டி, செவ்வாய்க்கிழமை காலை மூலவா் அபிஷேகமும், மதியம் 1 மணியளவில் உச்சிகால பூஜையும், இரவு 11 மணியிலிருந்து புதன்கிழமை காலை 10 மணி வரை பூச்சொரிதல் விழாவும் நடைபெற்றது. இதில், பெரம்பலூா் நகர ஆட்டோ ஓட்டுநா்கள், உரிமையாளா்கள் சங்கம், அரசு போக்குவரத்துக் கழகம், நக்கசேலம், பாடாலூா் உள்பட 50-க்கும் மேற்பட்ட அலங்கரிக்கப்பட்ட வாகனங்களில் மலா்கள் கொண்டுசெல்லப்பட்டு அம்மனுக்கு சாற்றப்பட்டது. இதில், திரளான பக்தா்கள் பங்கேற்று அம்மனை வழிபட்டனா்.

மே 7 -இல் தேரோட்டம்: தொடா்ந்து, ஏப். 28-ஆம் தேதி காப்புக் கட்டுதலுடன் விழா தொடங்குகிறது. அதைத் தொடா்ந்து, ஏப். 30, மே 1 ஆம் தேதி அன்ன வாகனத்திலும், மே 2 ஆம் தேதி சிம்ம வாகனத்திலும், 3 ஆம் தேதி ரிஷப வாகனத்திலும், 4 ஆம் தேதி யானை வாகனத்திலும், 5 ஆம் தேதி கண்ணாடி ரதத்திலும் பரிவார தெய்வங்களும் அம்பாள் திருவீதி உலா நடைபெறுகிறது. மே 6ஆம் தேதி அம்மனுக்கு திருக்கல்யாண உத்ஸவமும், இரவு வெள்ளிக்குதிரை வாகனத்திலும் திருவீதி உலா நடைபெறுகிறது. விழாவின் முக்கிய நிகழ்வான திருத் தேரோட்டம் மே 7 ஆம் தேதி காலை 9 மணிக்கு மேல் 10.30 மணிக்குள் நடைபெறுகிறது. 8 ஆம் தேதி உத்ஸவ அம்பாளுக்கு சிறப்பு அபிஷேகமும், ஊஞ்சல் விழாவும், 9-ஆம் தேதி விடையாற்றி விழாவுடன் சித்திரை திருவிழா நிறைவடைகிறது.

விழா ஏற்பாடுகளை, உதவி ஆணையா் க. அருட்செல்வன், கோயில் செயல் அலுவலா் மு. அசனாம்பிகை, மற்றும் கோயில் பணியாளா்கள், பூசாரிகள் செய்து வருகின்றனா்.