பெரம்பலூரில் முன்னெச்சரிக்கை நடவடிக்கையாக 11 ரௌடிகள் கைது

பெரம்பலூா் மாவட்டத்தில் முன்னெச்சரிக்கை நடவடிக்கையாக, பல்வேறு குற்றச் சம்பவங்களில் தொடா்புடைய 11 ரௌடிகளை போலீஸாா் செவ்வாய்க்கிழமை இரவு கைது செய்தனா்.

பெரம்பலூா் மாவட்டத்தில் குற்றச்செயல்களைத் தடுக்கும் வகையிலும், பொதுமக்களின் பாதுகாப்பை உறுதி செய்யும் வகையிலும், மாவட்டக் காவல் கண்காணிப்பாளா் வி. லலித்குமாா் உத்தரவின்பேரில், மாவட்டம் முழுவதும் காவல்துறையினா் செவ்வாய்க்கிழமை இரவு தீவிர சோதனையில் ஈடுபட்டனா். இதில், பல்வேறு குற்றச்செயல்களில் ஈடுபட்டு வந்த 11 ரௌடிகளை கைது செய்தனா். மேலும், குற்றச்செயல்களைத் தடுக்கும் நடவடிக்கையாக 85 பேரிடம் போலீஸாா் தணிக்கை மேற்கொண்டனா்.