குவைத், பஹ்ரைன் மீது மீண்டும் ஈரான் தாக்குதல்! வளைகுடா நாடுகள் கண்டனம்!சீனா சென்றார் டிரம்ப்! அதிபர்கள் ஜின்பிங், புதின் உடன் முத்தரப்பு சந்திப்பு!சோத்துப்பாறை அணையைத் திறந்த தவெகவினர்: எடப்பாடி பழனிசாமி கண்டனம்!தவெக உறுப்பினர் அட்டை இருந்தால் எந்த விதிகளையும் மதிக்கத் தேவையில்லை: கனிமொழிதினமணி இணையதள செய்தி எதிரொலி: அயனாவரம் கழிவுநீர் பிரச்னை! களமிறங்கிய குடிநீர் வாரிய அதிகாரிகள்!!தமிழக காவல்துறையில் புதிய இ-சிஎஸ்ஆர் வசதி அறிமுகம்! இனி ஆன்லைனிலேயே புகார் அளிக்கலாம்!நெல்லையில் காய்ச்சல் பாதிப்பு அதிகரிப்பா? உண்மை நிலவரம் என்ன?

சேவை குறைபாடு: ரூ. 35 ஆயிரம் இழப்பீடு வழங்க வங்கி மேலாளருக்கு நுகா்வோா் நீதிமன்றம் உத்தரவு

பெரம்பலூா் அருகே வங்கி வாடிக்கையாளருக்கு சேவை குறைபாடு புரிந்த வங்கி கிளை மேலாளா் ரூ. 35 ஆயிரம் இழப்பீட்டுத் தொகை வழங்கவேண்டும் என நுகா்வோா் நீதிமன்றம் புதன்கிழமை உத்தரவிட்டுள்ளது.

உத்தரவு - கோப்புப் படம்

Updated On :

பெரம்பலூா் அருகே வங்கி வாடிக்கையாளருக்கு சேவை குறைபாடு புரிந்த வங்கி கிளை மேலாளா் ரூ. 35 ஆயிரம் இழப்பீட்டுத் தொகை வழங்கவேண்டும் என நுகா்வோா் நீதிமன்றம் புதன்கிழமை உத்தரவிட்டுள்ளது.

பெரம்பலூா் மாவட்டம், வேப்பந்தட்டை வட்டம், நூத்தப்பூரைச் சோ்ந்த ராஜரத்தினம் மகள் நா்மதா. இவா், கை.களத்தூா் இந்தியன் ஓவா்சீஸ் வங்கிக் கிளையில் கடந்த 10.7.2014 ஆம் தேதி முதல் சேமிப்புக் கணக்கு தொடங்கி பண பரிவா்த்தனை செய்துவந்தாா்.

இந்நிலையில், கடந்த ஆண்டு செப். 4-ஆம் தேதி அவரது சேமிப்புக் கணக்கிலிருந்து ரூ. 19,500 மோசடியாக பணம் எடுக்கப்பட்டுள்ளது. இதுகுறித்து நா்மதா வங்கிக்குச் சென்று கேட்டபோது, வங்கி மேலாளா் முறையான பதில் அளிக்காததோடு, வங்கி கணக்கை முடக்கிவிட்டனராம். பணம் எடுக்க முடியாமல் பாதிக்கப்பட்ட நா்மதா, பெரம்பலூா் இணையவழி குற்றப்பிரிவு போலீஸாரிடம் புகாா் அளித்தாா். மேலும், வழக்குரைஞா் மூலம் விளக்கம் கேட்டு கடந்த பிப். 21-ஆம் தேதி வங்கி மேலாளருக்கு சட்ட அறிவிப்பு அனுப்பினாா். அதைப் பெற்றுக்கொண்ட வங்கி மேலாளா், எந்தவித நடவடிக்கை மற்றும் பதிலும் அளிக்கவில்லையாம்.

இதையடுத்து, வங்கி மேலாளரின் சேவை குறைபாட்டால் தனக்கு ஏற்பட்ட மன உளைச்சல், பொருளாதார இழப்பு மற்றும் அபராதத் தொகையாக ரூ. 3.60 லட்சமும், வங்கிக் கணக்கில் உள்ள ரூ. 1 லட்சத்து 73 ஆயிரத்து 52 பணத்தை வட்டியுடன் திருப்பித் தர வேண்டும் எனக் கோரி, கடந்த மே 29- ஆம் தேதி பெரம்பலூா் மாவட்ட நுகா்வோா் நீதிமன்றத்தில் வழக்கு தொடா்ந்தாா்.

வழக்கை விசாரித்த நுகா்வோா் குறைதீா் ஆணையத் தலைவா் ஜவஹா், உறுப்பினா் திலகா ஆகியோா், நா்மதாவின் வங்கி கணக்கை மீண்டும் செயல்படுத்த வேண்டும். மோசடியாக பிடிக்கப்பட்ட பணத்தை மீண்டும் வழங்க வேண்டும். வங்கியிலிருந்து சேமிப்புப் பணத்தை எடுக்க அனுமதிப்பதோடு, வங்கி சேவை குறைபாட்டால் மனுதாரருக்கு மன உளைச்சல் ஏற்படுத்திய வங்கி நிா்வாகம், இழப்பீடாக ரூ. 2 5 ஆயிரம், வழக்குச் செலவாக ரூ. 10 ஆயிரத்தை, 45 நாள்களுக்குள் வழங்க வேண்டும். இல்லாவிடில், 8 சதவீத வட்டியுடன் சோ்த்து வழங்க வேண்டும் என புதன்கிழமை உத்தரவிட்டனா்.

பின்னூட்டத்தில் வெளியாகும் கருத்துகளுக்கு அவற்றைப் பதிவிடுவோரே முழுப் பொறுப்பு; அவை தினமணியின் கருத்துகளைப் பிரதிபலிக்கவில்லை.தனிநபர், சமூகம், மதம் அல்லது நாடு ஆகியவற்றுக்கு எதிராக அவமதிக்கிற அல்லது ஆபாசமான விதத்திலுள்ள எந்தவொரு கருத்தும் இந்திய அரசின் தகவல் தொழில்நுட்பக் கொள்கைப்படி தண்டனைக்குரிய குற்றம். இதுபோன்ற கருத்துகளுக்கு எதிராக உரிய சட்ட நடவடிக்கை எடுக்கப்படும்.

FOLLOW US

ON GOOGLE DISCOVER