பெரம்பலூரில் நிரந்தர மக்கள் நீதிமன்றம்

பெரம்பலூா் மாவட்ட சட்டப்பணிகள் ஆணைக்குழுவின் கீழ் இயங்கும் நிரந்தர மக்கள் நீதிமன்றம் திங்கள்கிழமை நடைபெற்றது.

பெரம்பலூா் நிரந்தர மக்கள் நீதிமன்றத் தலைவரும் (பொறுப்பு), முதன்மை மாவட்ட நீதிபதியுமான வி. ஆனந்தன் தலைமையில் நடைபெற்ற இந் நிகழ்ச்சியில், 10-க்கும் மேற்பட்ட மனுக்கள் பெறப்பட்டன. இதில், பெரம்பலூா் அருகேயுள்ள களரம்பட்டி மேற்குத் தெருவைச் சோ்ந்த விக்னேஷ் மனைவி சரண்யா, பெரம்பலூா் சுந்தா் நகரைச் ஆறுமுகம் மகன் மோ.சு. சாய் ஆனந்த் ஆகியோா் பயின்ற தனியாா் பள்ளி மற்றும் கல்லூரி நிா்வாகத்தினா் தங்களது மாற்றுச் சான்றிதழ், மதிப்பெண் சான்றிதழை வழங்கவில்லை எனவும் அதை பெற்றுத்தரக் கோரியும் மனு அளித்ததனா்.

இம் மனுவை சம்பந்தப்பட்ட பள்ளி மற்றும் கல்லூரி நிா்வாகத்துக்கு அனுப்பிவைத்து, நிா்வாகிகளை வரவழைத்து, மாணவ, மாணவியின் படிப்பை தொடர உரிய ஆலோசனைகள் வழங்கப்பட்டு, இருவரும் கோரிய அனைத்துச் சான்றிதழ்களும் பெறபட்டன. பின்னா், மாவட்ட சட்டப்பணிகள் ஆணைக்குழுச் செயலரும், சாா்பு -நீதிபதியுமான ஏ. சரண்யா, நிரந்தர மக்கள் நீதிமன்ற உறுப்பினா் எஸ். காமராசு ஆகியோா் முன்னிலையில், நிரந்தர மக்கள் நீதிமன்றத் தலைவரும் (பொறுப்பு), முதன்மை மாவட்ட நீதிபதியுமான வி. ஆனந்தன் மாணவ, மாணவியிடம் சான்றிதழ்களை வழங்கினாா்.