பாப்பாயி மருத்துவமனையில் தாய்ப்பால் தினம்

பொன்னமராவதி வலையபட்டி அரசு பாப்பாயி மருத்துவமனையில் புதன்கிழமை தாய்ப்பால் தினம் கொண்டாடப்பட்டது.
வலையபட்டி அரசு பாப்பாயி மருத்துவமனை மற்றும் பொன்னமராவதி சிட்டி அரிமா சங்கம் சார்பில் நடைபெற்ற நிகழ்வில் மருத்துவமனையில் உள்ள தாய்மார்களுக்கு ரொட்டி மற்றும் பழங்கள் வழங்கப்பட்டது. 
மருத்துவர்கள் சரவணன், மேனகா, ஜனனிப் பிரியா ஆகியோர் தாய்ப்பாலின் மகத்துவம், நன்மைகளைத் தாய்மார்களிடம் விளக்கினர். சிட்டி அரிமா சங்கத் தலைவர் ஜெ. பிரவீன் குமார், பொருளாளர் அ. சையது அபுதாஹிர், நிர்வாகிகள் விகே.செல்வம், சுனில்ராஜ், சண்முகம் மற்றும் செவிலியர்கள் உள்ளிட்டோர் பங்கேற்றனர். மருத்துவர் ஆர்த்தி நன்றி கூறினார்.