விபத்தில் சிக்கிய இளைஞரை மீட்டு  மருத்துவமனையில் சேர்த்த அமைச்சர்

புதுக்கோட்டை மாவட்டம் கீழ எண்ணையைச் சேர்ந்தவர் சின்னக்கண்ணு மகன் சுதாகர் (26). இவர், பணிநிமித்தம் இருசக்கர வாகனத்தில் புதுகை சென்றுவிட்டு மீண்டும் பரம்பூர் வழியாக கீழஎண்ணைக்குச் வரும்வழியில், பரம்பூர் பணம்பம்பட்டி பிரிவு சாலை அருகே நிலைத்தடுமாறி மோட்டார் சைக்கிளில் இருந்து கீழே விழுந்துள்ளது. இதில், பலத்த காயமடைந்த சுதாகர் மயக்கமடைந்துள்ளார். அச்சமயம் அவ்வழியே நிர்வாகிகள் இல்ல நிகழ்ச்சிகளில் கலந்துகொள்ள வந்த மக்கள் நல்வாழ்வுத் துறை அமைச்சர் சி. விஜயபாஸ்கர், மயங்கிக் கிடந்தவரை 
அவரது வாகனத்தில் ஏற்றி பரம்பூர் அரசு ஆரம்ப சுகாதார நிலையத்திற்கு கொண்டு முதலுதவி சிகிச்சை அளித்தார். பின்னர் மேல் சிகிச்சைக்காக புதுக்கோட்டை அரசு மருத்துவக் கல்லூரி மருத்துவமனைக்கு அனுப்பி வைத்தார்.