‘இளைஞா்களுக்கு புதிய வேலைவாய்ப்புகள்’

திருமயம், பொன்னமராவதியில் சிப்காட் அமைத்து இளைஞா்களுக்கு புதிய வேலைவாய்ப்புகள் உருவாக்கித் தரப்படும் என்றாா் திருமயம் திமுக வேட்பாளா் எஸ்.ரகுபதி.

பொன்னமராவதி வலையா் வளவு பகுதியில் வாக்குகள் சேகரித்து அவா் மேலும் பேசியது:

பொன்னமராவதியில் வட்டத்தில் நீதிமன்றம் அமைக்கப்படும். நிறுத்தப்பட்ட முதியோா் உதவித்தொகை அனைவருக்கும் வழங்கப்படும். பொன்னமராவதிக்கு இரவுநேரப் பேருந்து வசதி செய்து தரப்படும். வலையா் வளவு பகுதியில் மழைநீா் பாலம் அமைத்து தரப்படும். அடைக்கன் ஊருணி பகுதியில் திருமண மண்டபம் அமைத்துத் தரப்படும். பொன்னமராவதியில் மின் மயானம் அமைத்துத் தரப்படும். முத்தரையா் மேல் உள்ள வழக்குகள் வாபஸ் பெறப்படும். ஜல்லிக்கட்டு காளை வளா்ப்போா்க்கு மாதந்தோறும் ரூ. 1,000 வழங்கப்படும் என்றாா்.

திருமயம் முன்னாள் சட்டப்பேரவை உறுப்பினா் ராம.சுப்புராம், ஒன்றியச் செயலா் அ.அடைக்கலமணி, மாவட்ட துணைச் செயலா் அ.சின்னையா, நகரச் செயலா் அ.அழகப்பன், காங்கிரஸ் நகரத்தலைவா் எஸ்.பழனியப்பன் உள்ளிட்டோா் பங்கேற்றனா்.