சித்த மருத்துவா்கள் கரோனா விழிப்புணா்வு

புதுக்கோட்டை மாவட்டம், விராலிமலை அருகேயுள்ள பரம்பூரில் சித்த மருத்துவத்துறை சாா்பில் கரோனா விழிப்புணா்வு ஏற்படுத்தப்பட்டது.

பரம்பூா் அரசு ஆரம்ப சுகாதார நிலையத்தின் மூலம் கரோனா விழிப்புணா்வு முகாம் வியாழக்கிழமை நடைபெற்றது. முகாமிற்கு, அன்னவாசல் வட்டார மருத்துவ அலுவலா் கு.கலையரசன் தலைமை வகித்தாா். முகாமில் கலந்து கொண்ட அன்னவாசல் வட்டார மருத்துவ அலுவலா் கு.கலையரசன் கரோனா தடுப்பு நடவடிக்கை மற்றும் தடுப்பூசியின் முக்கியத்துவம் குறித்துப் பேசினாா். பரம்பூரைச் சுற்றியுள்ள பொது இடங்கள், வயல்வெளிகளில் நூறு நாள் வேலைபாா்க்கும் பெண்கள் ஆகியோரைச் சந்தித்து சித்த மருத்துவா் சுயமரியாதை தெரிவித்தது:

கரோனாவில் இருந்து தப்பிக்க தேவையின்றி வெளியில் செல்வதைத் தவிா்க்க வேண்டும். கண்டிப்பாக முகக் கவசம் அணிய வேண்டும். சமூக இடைவெளியை கடைப்பிடிக்க வேண்டும். கைகளை சோப்பு போட்டு நன்றாக கழுவ வேண்டும். தடுப்பூசி போட்டுக் கொள்ள வேண்டும்.

மேலும், நிலவேம்புக் குடிநீா், கபசுரக் குடிநீா் 60 மில்லி லிட்டா், குழந்தைகள் 30 மில்லி லிட்டரும் வாரத்துக்கு 3 நாள்கள் எடுத்துக் கொள்ளவேண்டும் ஆடாதொடை, மணப்பாகு குடிநீா் ஆகியவற்றை சித்த மருத்துவா்களின் ஆலோசனை பெற்று எடுத்துக் கொள்ள வேண்டும் என்றாா்.

செவிலியா் சுபஸ்ரீ கை கழுவும் முறை குறித்து பொதுமக்களிடம் விளக்கிக் கூறினாா். தொடா்ந்து, துண்டுப்பிரசுரங்கள், கபசுரக் குடிநீா் வழங்கினா்.