‘சுகாதாரத்தில் முன்மாதிரி கிராம விருதுகளைப் பெற பொதுமக்கள் ஒத்துழைக்க வேண்டும்’

சுகாதாரத்தில் முன்மாதிரி கிராம விருதுகளைப் பெறும் வகையில், 26 ஊராட்சிகளைத் தயாா் செய்யும் பணிகளுக்கு பொதுமக்கள் ஒத்துழைப்பு அளிக்க வேண்டும் என்றாா் ஆட்சியா் கவிதா ராமு.

இதுகுறித்து அவா் மேலும் கூறியது: சுகாதாரத்தில் சிறப்பாக செயல்படும் கிராம ஊராட்சிகளை ஊக்குவிக்கும் வகையில் மாநில அரசால், முன்மாதிரி கிராம விருது உருவாக்கப்பட்டு, அதன் அடிப்படையில் மாநில அளவில் தோ்வு செய்யப்படும் மூன்று ஊராட்சிகளுக்கு தலா ரூ. 15 லட்சம் பரிசுத் தொகையும் கேடயமும், மாவட்ட அளவில் ஒரு கிராம ஊராட்சி தோ்வு செய்யப்பட்டு ரூ.7.50 லட்சம் பரிசுத் தொகையும் கேடயமும் வழங்கப்படவுள்ளது.

இதன்படி, திறந்தவெளியில் மலம் கழித்தல் அற்ற நிலை, திடக்கழிவு மேலாண்மை, குப்பைகளை உரிய முறையில் மறு சுழற்சி செய்தல், பிளாஸ்டிக் கழிவு மேலாண்மை, வீட்டுக் கழிவு மேலாண்மை, கிராம ஊராட்சியின் அழகிய தோற்றம் ஆகிய சிறப்பு அம்சங்களின் அடிப்படையில் ஊராட்சிகள் தோ்வு செய்யப்படும்.

இதற்காக, புதுக்கோட்டை மாவட்டத்திலுள்ள 497 ஊராட்சிகளிலும் சுகாதாரத் திட்டங்களை சிறப்பாக செயல்படுத்திட வேண்டி விழிப்புணா்வு ஏற்படுத்த வட்டாரத்துக்கு 2 ஊராட்சிகள் வீதம் மொத்தம் 26 முன்மாதிரி நிறை செறிவு ஊராட்சிகள் தோ்வு செய்யப்பட்டு, இவ்வூராட்சிகளில் சமூக வரைபடம், மூன்று கட்ட கழிவுத் தணிக்கை, திடக்கழிவு மேலாண்மைக் கூடங்கள் மறுசீரமைப்பு, சாம்பல் நீா் மேலாண்மை, பிளாஸ்டிக் கழிவுகள் மேலாண்மை, தூய தெருக்கள் பராமரிப்பு ஆகிய பல்வேறு வகை பணிகள் திட்டமிடப்பட்டு நடைபெற்று வருகின்றன.

எனவே, இந்தப் பணிகளில் உள்ளாட்சி பிரதிநிதிகள், அரசு அலுவலா்கள், தன்னாா்வலா்கள், மகளிா் சுய உதவிக்குழுக்கள், தூய்மைப் பணியாளா்கள் மற்றும் பொதுமக்கள் சிறப்பாக செயல்பட்டு மாநிலத்தில் முதற்பரிசை பெறத்தக்க வகையில் மாவட்ட நிா்வாகத்தின் நடவடிக்கைகளுக்கு ஒத்துழைப்பு அளிக்க வேண்டும்.