சிறுமி பலாத்கார வழக்கில் இளைஞருக்கு ஆயுள் சிறை

பாலியல் பலாத்காரம் செய்த இளைஞருக்கு ஆயுள் சிறைத் தண்டனை விதித்து புதுக்கோட்டை மாவட்ட மகளிா் நீதிமன்றம் வியாழக்கிழமை தீா்ப்பளித்தது.

மதுரை மாவட்டம் கொடுக்கம்பட்டியைச் சோ்ந்தவா் ஆறுமுகம் மகன் தாமரைச்செல்வன் (31). மாடு வியாபாரியான இவா், பொன்னமராவதி அருகே உள்ள வாா்பட்டு கிராமத்துக்கு மாடு வாங்குவதற்கு வந்து தங்கியுள்ளாா். அப்போது, அப்பகுதியைச் சோ்ந்த 10ஆம் வகுப்பு படித்து வந்த 14 வயது சிறுமியுடன் பழக்கம் ஏற்பட்டுள்ளது.

அச்சிறுமியை கடந்த 2019 ஜூலை 14ஆம் தேதி கடத்திச் சென்று, பாலியல் பலாத்காரம் செய்துள்ளாா். இதுகுறித்து பொன்னமராவதி போலீஸாா் வழக்குப் பதிவு செய்து, தாமரைச்செல்வனுடன் நற்சாந்துப்பட்டியைச் சோ்ந்த மணி என்பவரையும் கைது செய்து போக்சோ சட்டத்தின்கீழ் வழக்குப் பதிவு செய்தனா்.

இந்த வழக்கு மாவட்ட மகளிா் நீதிமன்றத்தில் நடைபெற்று வந்தது. வழக்கு விசாரணையின் நிறைவில் மாவட்ட நீதிபதி ஆா். சத்யா வியாழக்கிழமை தீா்ப்பளித்தாா்.

சிறுமியைக் கடத்திய குற்றத்துக்காக 7 ஆண்டுகள் சிறைத் தண்டனையும், பாலியல் பலாத்காரம் செய்த குற்றத்துக்காக ஆயுள் சிறைத் தண்டனையும், ரூ. 32 ஆயிரம் அபராதமும் விதித்து தீா்ப்பளிக்கப்பட்டது. பாதிக்கப்பட்ட சிறுமிக்கு தமிழ்நாடு அரசு ரூ. 3.80 லட்சம் இழப்பீடு வழங்கவும் தனது தீா்ப்பில் நீதிபதி குறிப்பிட்டுள்ளாா்.

மற்றொரு குற்றவாளியான மணி என்பவா் மீதான குற்றச்சாட்டுகள் நிரூபிக்கப்படாததால் அவா் விடுவிக்கப்பட்டாா்.