மாற்றுத் திறனாளிகளுக்கு உபகரணங்கள் வழங்கல்

புதுக்கோட்டை: புதுக்கோட்டை மாவட்டம், அறந்தாங்கி ஊராட்சி ஒன்றிய அலுவலக வளாகத்தில் ‘உங்களைத் தேடி உங்கள் ஊரில்’ திட்டத்தின் கீழ் மாற்றுத் திறனாளிகளுக்கான முகாமில், 14 பேருக்கு ரூ. 5.06 லட்சத்தில் உதவி உபகரணங்கள் செவ்வாய்க்கிழமை வழங்கப்பட்டன.

அறந்தாங்கி ஊராட்சி ஒன்றிய அலுவலக வளாகத்தில் ‘உங்களைத் தேடி உங்கள் ஊரில்’ திட்டத்தின் கீழ் மாற்றுத் திறனாளிகளுக்கான சிறப்பு முகாம் செவ்வாய்க்கிழமை நடைபெற்றது. முகாமை மாவட்ட ஆட்சியா் ஐ.சா. மொ்சி ரம்யா தலைமை வகித்து தொடங்கி வைத்தாா். இம்முகாமில், மாற்றுத் திறனாளிகள் அடையாள அட்டைகளுக்கு விண்ணப்பித்தல், உதவிகளுக்காக விண்ணப்பித்தல் போன்ற பணிகள் நடைபெற்றன.

மேலும், 4 மாற்றுத் திறனாளிகளுக்கு ரூ. 3.84 லட்சத்தில் இணைப்புச் சக்கரங்கள் பொருத்தப்பட்ட மோட்டாா் ஸ்கூட்டா்கள், 4 பேருக்கு ரூ. 20 ஆயிரத்தில் மோட்டாா் பொருத்தப்பட்ட தையல் இயந்திரங்கள், 7 பேருக்கு உரிய செயலிகளுடன் கூடிய திறன்பேசிகள், ஒருவருக்கு ரூ. 94 ஆயிரத்தில் மடக்கு சக்கர நாற்காலி ஆகியவற்றையும் மாவட்ட ஆட்சியா் ஐ.சா. மொ்சி ரம்யா வழங்கினாா். நிகழ்ச்சியில், அறந்தாங்கி வருவாய்க் கோட்டாட்சியா் ச. சிவகுமாா், ஒன்றியக் குழுத் தலைவா் மகேஸ்வரி சண்முகநாதன், மாவட்ட மாற்றுத் திறனாளிகள் நல அலுவலா் எஸ். உலகநாதன் உள்ளிட்டோா் கலந்து கொண்டனா்.