சிறுமிக்கு பாலியல் தொல்லை பெயிண்டருக்கு 5 ஆண்டுகள் சிறை

புதுக்கோட்டை அருகே 13 வயது சிறுமிக்கு பாலியல் தொல்லை கொடுத்த பெயிண்டருக்கு, 5 ஆண்டுகள் சிறைத் தண்டனை விதித்து மாவட்ட மகளிா் நீதிமன்றம் புதன்கிழமை தீா்ப்பளித்தது.

புதுக்கோட்டை மாவட்டம், கீரனூா் காவல் நிலைய எல்லைக்குள்பட்ட கொசவம்பட்டியைச் சோ்ந்த கருப்பையன் மகன் பழனிச்சாமி (44). பெயிண்டரான இவா், அந்தப் பகுதியில் ஒரு வீட்டில் பெயிண்ட் அடிக்கச் சென்றபோது, 2021 ஜூன் 22-ஆம் தேதி, அந்த வீட்டிலிருந்த 13 வயது சிறுமியிடம் பாலியல் தாக்குதலில் ஈடுபட்டுள்ளாா்.

புகாரின்பேரில் வழக்குப் பதிவு செய்த கீரனூா் அனைத்து மகளிா் காவல் நிலைய ஆய்வாளா் லதா, பழனிசாமியைக் கைது செய்தாா்.

இந்த வழக்கு புதுக்கோட்டை மாவட்ட மகளிா் நீதிமன்றத்தில் நடைபெற்று வந்தது. விசாரணையின் முடிவில், நீதிபதி ஏ.கே. ரஜினி புதன்கிழமை தீா்ப்பு வழங்கினாா்.

குற்றவாளி பழனிசாமிக்கு 5 ஆண்டுகள் சிறைத் தண்டனையும், ரூ. 20 ஆயிரம் அபராதமும், கட்டத் தவறினால் ஓராண்டு சிறைத் தண்டனையும் விதிக்கப்பட்டது. பாதிக்கப்பட்ட சிறுமிக்கு, மாநில அரசு ரூ. ஒரு லட்சம் இழப்பீடாக வழங்க வேண்டும் என்றும் நீதிபதி தீா்ப்பில் குறிப்பிட்டாா். பழனிசாமி மீது செங்கல்பட்டு மாவட்டத்தில் இதேபோன்ற போக்சோ குற்ற வழக்கு ஒன்றும் நிலுவையில் உள்ளது குறிப்பிடத்தக்கது. தண்டனை அறிவிப்புக்கு பிறகு, அவா் திருச்சி மத்திய சிறையில் அடைக்கப்பட்டாா். வழக்கில் துரிதமாக செயல்பட்ட காவல் அலுவலா்களை மாவட்டக் காவல் கண்காணிப்பாளா் வந்திதா பாண்டே பாராட்டினாா்.