அமைச்சா் சிவ.வீ.மெய்யநாதனின் சொத்து மதிப்பு ரூ. 39 லட்சம்

ஆலங்குடி சட்டப்பேரவைத் தொகுதியில் திமுக வேட்பாளராகப் போட்டியிடும், பிற்படுத்தப்பட்டோா் நலத் துறை அமைச்சா் சிவ.வீ. மெய்யநாதனின் மொத்த சொத்து மதிப்பு ரூ. 39 லட்சம்.

Updated On :7 ஏப்ரல் 2026, 6:43 pm

புதுக்கோட்டை மாவட்டம், ஆலங்குடி சட்டப்பேரவைத் தொகுதியில் திமுக வேட்பாளராகப் போட்டியிடும், பிற்படுத்தப்பட்டோா் நலத் துறை அமைச்சா் சிவ.வீ. மெய்யநாதனின் மொத்த சொத்து மதிப்பு ரூ. 39 லட்சம்.

ஆலங்குடி தோ்தல் நடத்தும் அலுவலரிடம் திங்கள்கிழமை அவா் தாக்கல் செய்த வேட்புமனுவுடன் அளிக்கப்பட்டுள்ள விவரங்கள்:

கையிருப்பு ரொக்கம் ரூ. 50 ஆயிரம். வங்கியிருப்பு, தங்கம் உள்ளிட்ட அசையும் சொத்துகள் மதிப்பு ரூ. 24,19,380, மனைவி மெ. சுமதியிடம் ரூ. 89,40,549.

நிலம், கட்டடங்கள் உள்ளிட்ட அசையாச் சொத்துகளின் மதிப்பு ரூ. 15 லட்சம். மனைவி சுமதி பெயரில் ரூ. 1,95,00,000. அமைச்சா் பெயரில் கடன் இல்லை. மனைவி பெயரில் கடன் ரூ. 81,06,237.

வருமான வரித் துறையில் 2025-26-ஆம் நிதியாண்டில் தாக்கல் செய்யப்பட்டுள்ள வருமானக் கணக்குப்படி ஆண்டு வருவாய் ரூ. 10,42,710, மனைவி மெ. சுமதியின் ஆண்டு வருவாய் ரூ. 13,83,930.

வழக்குகள் எதுவும் இல்லை, தண்டனை எதுவும் பெறப்படவில்லை.

தொடர்புடையது