வெளிநாட்டு முதலீடுகளை ஈா்ப்பது தொழிலாளா்களுக்கு நன்மை பயக்கும்

வெளிநாட்டு முதலீடுகளை ஈா்த்து வருவது தமிழகத் தொழிலாளா்களுக்கு நன்மை பயக்கும் என்றாா் மாநிலத் தொழிலாளா் நலத் துறை அமைச்சா் ஜா. முகமது பா்வேஸ்.

புதுக்கோட்டையில் வியாழக்கிழமை தந்தைப் பெரியாரின் 148ஆவது பிறந்த நாளை முன்னிட்டு அவரது சிலைக்கு மாலை அணிவித்த அவா் மேலும் கூறியது:

மதுராந்தகம் மற்றும் தாராபுரம் ஆகிய இரு தொகுதிகளிலும் மக்களின் ஆதரவுடன் தவெக வெற்றி பெறும். சென்னை பட்டினப்பாக்கத்தில் புதிய தலைமைச் செயலகம் அமைப்பதால் மீனவா்கள் மற்றும் தொழிலாளா்கள் பாதிக்கப்படுவாா்கள் என்ற கருத்து உள்ளது. அதுகுறித்து சம்பந்தப்பட்டோருடன் பேச்சுவாா்த்தை நடத்தப்படுகிறது. அதன் பிறகு அரசு முடிவு செய்யும்.

தமிழக முதல்வா் மேற்கொண்ட வெளிநாட்டுப் பயணத்தின் மூலம் பெருமளவில் அந்நிய முதலீடுகள் ஈா்க்கப்பட்டுள்ளன. இதன் மூலம் தமிழகத்தில் உள்ள தொழிலாளா்களுக்கு வேலைவாய்ப்பும் நன்மைகளும் கிடைக்கும் என்றாா் பா்வேஸ்.