நகைக் கடை உரிமையாளர்கள் ஆர்ப்பாட்டம்

தங்க நகைகள் மீது மத்திய அரசு ஒரு சத கலால் வரி விதித்துள்ளதைக் கண்டித்து, தஞ்சாவூர் ரயிலடியில் தஞ்சாவூர் நகர காசுக்கடை வர்த்தகர் சங்கத்தினர் வெள்ளிக்கிழமை ஆர்ப்பாட்டத்தில் ஈடுபட்டனர்.

ஏற்கெனவே, மத்திய பட்ஜெட்டில் தங்க நகைகள் மீது விதிக்கப்பட்ட ஒரு சத கலால் வரியை ரத்து செய்யக் கோரி அகில இந்திய அளவில் புதன்கிழமை முதல் தொடர்ந்து

நகைக் கடைகள் அடைப்புப் போராட்டம் மேற்கொள்ளப்பட்டு வருகிறது. இதில், தஞ்சாவூர் மாவட்டத்தில் ஏறத்தாழ 2,000 நகைக் கடைகள் அடைக்கப்பட்டுள்ளன. இதைத்தொடர்ந்து மூன்றாவது நாளான வெள்ளிக்கிழமை தஞ்சாவூர் ரயிலடியில் ஆர்ப்பாட்டம் நடைபெற்றது.

இதில், தங்க நகைகள் மீது மத்திய அரசு ஒரு சத கலால் வரி விதித்துள்ளதைக் கண்டித்தும், அதை ரத்து செய்ய வலியுறுத்தியும் முழக்கங்கள் எழுப்பப்பட்டன. சங்கத் தலைவர் சண்முகம் தலைமை வகித்தார். துணைத் தலைவர்கள் வாசுதேவன், எஸ்.ஆர். வாசு உள்ளிட்டோர் கலந்து கொண்டனர்.