தம்பிக்கோட்டை வடகாடு ஊராட்சி ஒன்றியப் பள்ளிக்கு நலத்திட்ட உதவிகள்

பட்டுக்கோட்டையை அடுத்த தம்பிக்கோட்டை வடகாடு ஊராட்சி ஒன்றிய தொடக்கப் பள்ளிக்கு நலத் திட்ட உதவிகள் வழங்கும் விழா புதன்கிழமை நடைபெற்றது. 
இதில் சிறப்பு விருந்தினராக பங்கேற்ற பள்ளிகொண்டான் லாரல் மேல்நிலைப்பள்ளித் தாளாளர்  வி.பாலசுப்பிரமணியன் தனது பேரக்குழந்தை சி. பூந்தமிழன் பிறந்த நாளை முன்னிட்டு, இப்பள்ளியில் பயிலும் 101 மாணவ, மாணவிகளுக்கு  சீருடைகள்,  நோட்டுப்புத்தகம், எழுதுபொருள்கள், பள்ளி உபயோகத்திற்குத் தேவையான ஒலிபெருக்கி சாதனம் உள்பட ரூ. 60,000 மதிப்புள்ள பொருள்களை தனது சார்பில்  நன்கொடையாக வழங்கினார்.
நிகழ்ச்சியில் ரோட்டரி சங்க மண்டல துணை ஆளுநர் ஆர்.ராஜேந்திரன்,  ஓய்வு பெற்ற காவல் துணைக் கண்காணிப்பாளர் சி. சாம்பசிவம்,  ஓய்வு பெற்ற மின்வாரிய அலுவலர் சி.ஆறுமுகம் மற்றும் ரோட்டரி சங்க நிர்வாகிகள், பள்ளி ஆசிரியர்கள், பெற்றோர்கள், மாணவர்கள், உள்ளுர் பிரமுகர்கள் கலந்து கொண்டனர். பள்ளித் தலைமை ஆசிரியை ஏ. கலைச்செல்வி நன்றி கூறினார்.