நாட்டு வெடிகுண்டுகள் பதுக்கியதாக 2 பேர் மீது வழக்குப் பதிவு

கும்பகோணம் அருகே நாட்டு வெடிகுண்டுகள் பதுக்கி வைத்திருந்ததாக இருவர் மீது போலீஸார் சனிக்கிழமை இரவு வழக்குப் பதிவு செய்தனர்.
திருவாரூர் மாவட்டத்தில் கூவனூரைச் சேர்ந்த ராஜ்குமாரை போலீஸார் கைது செய்தனர். இவரிடம் நடத்தப்பட்ட விசாரணையில் கும்பகோணம் அருகே பட்டீசுவரம் பகுதி முகுந்தநல்லூரைச் சேர்ந்த வினோத் (24), கிருஷ்ணமூர்த்தி (30) மூலம் அதே ஊரில் நாட்டு வெடிகுண்டுகள் பதுக்கி வைக்கப்பட்டிருப்பது தெரிய வந்தது.
இதையடுத்து, வினோத், கிருஷ்ணமூர்த்தியிடம் பட்டீசுவரம் போலீஸார் விசாரணை நடத்தி, முகுந்தநல்லூர் ராஜ அய்யனார் கோயில் மரத்தடியில் இருந்த 3 நாட்டு வெடிகுண்டுகளை சனிக்கிழமை கைப்பற்றினர். இதுதொடர்பாக வினோத், கிருஷ்ணமூர்த்தி மீது போலீஸார் வழக்குப் பதிவு செய்து விசாரிக்கின்றனர்.