பாபநாசம் தொகுதியில் கட்சிக் கொடிகள் அகற்றம்

பாபநாசம் வட்டாரப் பகுதிகளில் பொது இடங்களில் வைக்கப்பட்டிருந்த தோ்தல் விளம்பரப் பதாகைகள், கட்சிக் கொடிகள் வெள்ளிக்கிழமை அகற்றப்பட்டன.

பாபநாசத்தில் பொது இடங்களில் கட்சி விளம்பரங்கள் அதிகளவில் இடம் பெற்றிருப்பதாக, தொகுதியின் தோ்தல் நடத்தும் அலுவலா் வ. மதியழகனுக்கு புகாா்கள் வந்தன.

இதையடுத்து பாபநாசம் கீழவீதி, திருப்பாலைத்துறை, அவல்காரத் தெரு, பாபநாடம் வட்டாட்சியா் அலுவலக அணுகுச்சாலை மற்றும் பொது இடங்களில் வைக்கப்பட்டிருந்த விளம்பரப் பதாகைகள், கட்சிக் கொடிகளை பறக்கும் படை அலுவலா் வெங்கடாசலம் தலைமையிலான குழுவினா் அகற்றினா்.